ભાવનગરમાં લાંચ લેતાં ટ્રાફિક પોલીસનો વીડિયો થયો વાયરલ

ભાવનગર: શહેરમાં લાંચ લેતાં ટ્રાફિક પોલીસનો વીડિયો વાયરલ થયો છે. જેથી પોલીસ તંત્રમાં ખળભડાટ મચી ગયો છે. ત્યારે રોષે ભરાયેલાં સ્થાનિકો આ ભ્રષ્ટ પોલીસ કર્મચારી વિરૂદ્ધ કડક કાર્યવાહી કરવાની માંગ કરી રહ્યાં છે.

ભાવનગર જિલ્લામાં ટ્રાફિક પોલીસ લાંચ લેતા હોય તેવો વીડિયો વાયરલ થયો છે. જેને પગલે રોષે ભરાયેલ જનતા દ્વારા આ ટ્રાફિક પોલીસ વિરૂદ્ધ પગલા લેવાની પણ માંગ કરી હતી. તો આ અંગે મળતી માહિતી પ્રમાણે, આ વાયરલ વીડિયો ભાવનગર મધ્યના ગંગાજળિયા તળાવ વિસ્તાર આસપાસનો હોવાનું ચર્ચાઈ રહ્યું છે.

જો કે, વીડિયો કઈ તારીખનો છે, તેની કોઈ સત્તાવાર સ્પષ્ટતા થઈ નથી. આ વીડિયોમાં ટ્રાફિક પોલીસ એક ટુ વ્હીલર ચાલક પાસેથી દલીલ કરી નાણાં ઉઘરાવી ચાલકને કોઈ પહોંચ કે રસીદ આપતો ન હોવાનું દેખાઇ રહ્યું છે. વીડિયોથી પોલીસ તંત્રની ભ્રષ્ટનિતિ ખુલ્લી પડતાં પોલીસતંત્રમાં હડકંપ મચી ગયો છે. ત્યારે સ્થાનિકોમાં તંત્ર વિરૂદ્ધ રોષ જોવા મળી રહ્યો છે.