ભાવનગરના અલંગના વેપારીનું ચોથા માળેથી પડી જતા મોત, અકસ્માત કે આત્મહત્યા..?

ભાવનગર: અલંગના મશીનરી વ્યવસાય સાથે સંકળાયેલા વેપારીનું ચોથા માળેથી નીચે પડતા મોત નીપજ્યું હતું. આ ઘટના આપઘાત કે, અકસ્માત તે ચર્ચાનો વિષય બન્યો હતો. જો કે, તેમની મોતનું કારણ અકબંધ રહ્યું છે. તેમજ પોલીસે ઘટના સ્થળે પહોંચી ઘટનાની તપાસ હાથ ઘરી હતી.

ભાવનગર શહેરના કાળુભા રોડ જેવા ભરચક વિસ્તારમાં આવેલા પંચકુટીર કોમ્પ્લેક્સમાં અલંગના વ્યવસાયકાર ચોથા માળેથી નીચે પડતા ચકચાર મચી ગઇ હતી. પંચકુંટીર કોમ્પ્લેક્સમાં ચોથા માળે રહેતા પંકજભાઈ ભુપતભાઇ કોઠારી બુધવારના રોજ અગમ્ય કારણોસર પોતાના ઘરેથી ચોથા માળેથી નીચે પટકાતા મોત નીપજ્યું હતું. પંકજભાઈનું ચોથા માળેથી ઝંપલાવ્યુ છે કે, અકસ્માતે નીચે પટકાયા છે. તે કારણ અકબંધ રહ્યું છે.

અલંગની મશીનરીનો વ્યવસાય કરતા હોવાનું સૂત્રોએ જણાવ્યું છે. તેઓ ઘરે એકલા હતા અને તેમનો પરિવાર પ્રસંગમાં ગયો હોવાનું આસપાસના લોકોએ જણાવ્યું હતું. પંકજભાઇએ આપઘાત કર્યો છે કે, અકસ્માત છે તેની પાછળનું કારણ અકબંધ છે. કારણ કે, લોકોમાં બીજી એવી ચર્ચા ચાલે છે કે, અગાસીમાં પાણીની ટાંકી જોવા જતા પગ લપસતા નીચે પટકાયા છે. ત્યારબાદ ઘટના સ્થળે પોલીસ દોડી આવી હતી અને તપાસ હાથ ધરી હતી.