ભરૂચ: શહેર અને જિલ્લામાં સાર્વત્રિક વરસાદ વરસ્યો હતો. અંકલેશ્વર અને હાંસોટમાં 4-4 ઇંચ વરસાદ ખાબકતા અંકલેશ્વરથી સુરતને જોડતા સ્ટેટ હાઈવે પર વરસાદી પાણી ફરી વળતા વાહન વ્યવહારને અસર પહોંચી હતી. જેમાં ભરૂચ જિલ્લામાં છેલ્લા ૩ દિવસથી વરસાદી માહોલ જોવા મળી રહ્યો છે, ત્યારે છેલ્લા 24 કલાકમાં ભરૂચ જિલ્લામાં બારે મેઘખાંગા થયા હોય એવો માહોલ જોવા મળી રહ્યો છે.
ભરૂચ શહેર અને જિલ્લામાં સાર્વત્રિક વરસાદ ભરૂચના અંકલેશ્વર અને હાંસોટ પંથકમાં 4-4 ઇંચ વરસાદ ખાબકતા જળબંબાકારની પરિસ્થિતિનું નિર્માણ થયું હતું. અંકલેશ્વરથી સુરતને જોડતા સ્ટેટ હાઈવે પર કડકીયા કોલેજ નજીક વરસાદી પાણી ફરી વળતા વાહન વ્યવહારને અસર પહોચી હતી. જેમાં મુખ્ય માર્ગ પર જ પાણી ફરી વળતા ટ્રાફિકજામના દ્રશ્યો જોવા મળ્યા હતા, તો ઠેર-ઠેર દીવાલ પડવાના અને વૃક્ષ ધરાશાયી થવાના બનાવો પણ બન્યા હતા.
ભરૂચ જિલ્લામાં વરસેલ વરસાદના આંકડા...
- આમોદ 2.08 ઇંચ
- અંકલેશ્વર 4.9 ઇંચ
- ભરૂચ 3.38 ઇંચ
- હાંસોટ 4.5 ઇંચ
- જંબુસર 1.33 ઇંચ
- નેત્રંગ 4 ઇંચ
- વાગરા 2.75 ઇંચ
- વાલિયા 2.1 ઇંચ
- ઝઘડિયા 2.75 ઇંચ
