ભરૂચનાં આમોદ ખાતે બે પાડોશીઓ વચ્ચેની ઉગ્ર તકરારમાં તીક્ષ્ણ હથિયારનાં ઘા મારી મોત નીપજાવવાની ઘટના સામે આવી છે. આમોદનાં માંડવા ફળિયા વિસ્તારમાં રહેતા વિનોદ ઉકડ રાઠોડે પોતાના ઘરની સામે રહેતા મનુ રાઠોડની તિક્ષ્ણ હથિયાર વડે હત્યા કરી હતી.
ગાળ બોલવા જેવી નાની બાબતે ઉગ્ર સ્વરૂપ ધારણ કર્યું હતું અને મારામારીમાં વિનોદ રાઠોડે તેના પાડોશી મનુને તીક્ષ્ણ હથિયારનાં ઉપરાછાપરી ઘા મારી દીધા હતા, જેમાં ગંભીર રીતે ઘવાયેલ મનુનું સ્થળ પર જ મોત નીપજ્યું હતું. બનાવની જાણ થતાં જ આમોદ પોલીસનો કાફલો ઘટના સ્થળે દોડી આવ્યો હતો અને મૃતકના મૃતદેહને પોસ્ટમોર્ટમ અર્થે ખસેડાયો હતો. આ તરફ પોલીસે ગણતરીના સમયમાં ગામમાંથી જ હત્યારા મનુ રાઠોડની ધરપકડ કરી કાયદેસરની કાર્યવાહી હાથ ધરી છે.