ભરૂચ: અંકલેશ્વર GIDCમાં નિર્માણાધીન નવું ST ડેપો બન્યું પાકીટમારો માટે હોટસ્પોટ

અંકલેશ્વર GIDCના એસ.ટી. ડેપો ચોર-પાકીટમારો માટે માનીતું સ્થળ બની ગયું છે. હાલમાં નવા ડેપો બનવાની કામગીરી ચાલી રહી છે તેવામાં તેથી અનેક અસામાજિક તત્વો અહી અડીંગો જમાવીને બેસે છે. દરરોજ 4 થી 5 વ્યક્તિઓનું પાકિટ ચોરાતું હોવાની ઘટનાઓ સામે આવી રહી છે.

• અંકલેશ્વર GIDCનો એસ.ટી ડેપો બન્યું પાકીટમારો માટે હોટસ્પોટ
• ડેપો બનવાનું કામ ચાલતું હોવાથી પાકીટમારોને મોકળું મેદાન
• દરરોજ 4 થી 5 વ્યક્તિઓનું પાકિટ ચોરાતું હોવાની ઘટનાઓ
  

  અંકલેશ્વર GIDCમાં આવેલું ST ડેપો બન્યું પાકીટમારો માટે હોટસ્પોટ

ભરૂચ: અંકલેશ્વર GIDCમાં નવું એસ.ટી ડેપો નિર્માણ પામી રહ્યું છે. આથી અનેક અસામાજિક તત્વો અહી અડીંગો જમાવીને બેસે છે. ડેપોમાં જ્યારે બસ આવે ત્યારે બસમાં ચઢવાની લાઈનમાં આ તત્વો ઉભા રહી મુસાફરોના પાકીટ સેરવી લે છે. છેલ્લા કેટલાક સમયથી રોજે રોજ 4 થી 5 વ્યક્તિઓનું પાકીટ ચોરાયું હોવાની ઘટના સામે આવી છે. સોનગઢની એક મહિલા અર્ચના ગામીત અંકલેશ્વરમાં કામ પતાવી પરત જવા એસ.ટી.ડેપો પર પહોંચી હતી ત્યાં મળસ્કે 6-30 કલાકની આસપાસ તેમનું પાકીટ કોઈએ ચોરી કરી ફરાર થઇ ગયું હતું. પાકીટમાં સોનાના ઘરેણા તથા રૂ. 22 હજાર 500 રોકડા હતા. જે ચોરી થતા અર્ચના ગામીતે ડેપો મેનેજરને જાણ કરી હતી. ડેપો મેનેજરે પોલીસને જાણ કરતા પોલીસે ફરિયાદ નોંધી તપાસ હાથ ધરી છે.

અંકલેશ્વર GIDCમાં આવેલું ST ડેપો બન્યું પાકીટમારો માટે હોટસ્પોટ

સીસીટીવી કેમેરા ન હોવાથી તસ્કરો બેફામ

અત્રે ઉલ્લેખનીય છે કે હાલમાં ડેપોમાં ન તો સીસીટીવી કેમેરા છે ન તો અન્ય કોઈ સ્ટાફ જેના કારણે તસ્કરોને મોકળું મેદાન મળી ગયું છે. ડેપો મેનેજર તરફથી પણ વારંવાર આ અંગેની ફરિયાદો કરવામાં આવી છે ત્યારે અહી એક પોલીસ પોઈન્ટ ગોઠવવામાં આવે તેવી પણ માગ ઉઠવા પામી છે.