- અંકલેશ્વરમાં ડિગ્રી વગર લોકોની સારવાર કરતો ડોક્ટર ઝડપાયો
- લોકોના આરોગ્ય સાથે ચેડા કરતા ડોક્ટરની પોલીસે કરી ધરપકડ
- પોલીસે નકલી ડોક્ટર પાસેથી 24,000 રૂપિયાનો મુદ્દામાલ કબજે કર્યો
ભરૂચઃ જિલ્લાના અંકલેશ્વરમાં એક શખ્સ નકલી ડોક્ટર બનીને લોકોની સારવાર કરી રહ્યો હતો. જોકે, ભરૂચ સ્પેશિયલ ઓપરેશન ગૃપની ટીમે આ નકલી ડોક્ટરની ધરપકડ કરી છે. પોલીસે નકલી ડોક્ટર પાસેથી 24,000 રૂપિયાનો મુદ્દામાલ કબજે કર્યો હતો. આ આરોપી ડિગ્રી વગર લોકોની સારવાર કરી રહ્યો હતો.
આ પણ વાંચો-રાત્રિ કરફ્યૂનો લાભ ઉઠાવી નકલી પોલીસ બનીને લોકો પાસેથી પૈસા પડાવતો રામોલનો TRB જવાન ઝડપાયો
ભરૂચ સ્પેશિયલ ગૃપની ટીમની કાર્યવાહી
પોલીસે આરોપી પાસેથી દવા અને ઈન્જેક્શન સહિત 24,000 રૂપિયાનો મુદ્દામાલ કબજે કર્યો હતો. ભરૂચ સ્પેશિયલ ઓપરેશન ગૃપની ટીમે અંકલેશ્વરમાંથી આ નકલી ડોક્ટરની ધરપકડ કરી કાયદેસરની કાર્યવાહી હાથ ધરી છે. આરોપી કોઈ પણ ડિગ્રી વગર લોકોની સારવાર કરતો હોવાનું બહાર આવ્યું છે.
આ પણ વાંચો-અમદાવાદમાં કોવિડના દર્દીને ઘરે સારવાર આપવાના નામે લાખો રૂપિયા પડાવતી નકલી ડૉક્ટરની ટોળકી ઝડપાઈ
એક તરફ ડોક્ટરની અછત છે ને બીજી તરફ આરોપીઓ નકલી ડોક્ટર બની રહ્યા છે
હાલ કોરોના મહામારી ચાલી રહી છે અને લોકોએ આરોગ્યપ્રદ સુવિધા મેળવવા દોડધામ કરવી પડી રહી છે. આવા સમયમાં પણ કેટલાક લોકો કમાય લેવાની લહાયમાં લોકોની જિંદગી જોખમમાં મૂકે છે. ભરૂચ સ્પેશ્યલ ઓપરેશન ગૃપની ટીમને બાતમી મળી હતી કે, અંકલેશ્વરમાં નકલી ડોક્ટર લોકોની સારવાર કરી દવા આપી રહ્યો છે, જેના આધારે પોલીસે યોગેશ્વર નગરમાં દરોડા પાડી આરોપી દીપ બાલાની ધરપકડ કરી હતી. તે ભાડાની દુકાનમાં દવાખાનું ચલાવતો હોવાનું બહાર આવ્યું હતું.
પોલીસે એલોપેથી દવા સહિત 24,000નો મુદ્દામાલ કબજે કર્યો
આરોપી પાસે મેડીકલની કોઈ ડિગ્રી ન હોવા છતા તે લોકોને દવા આપી તેઓની જિંદગી જોખમમાં મૂકતો હતો. પોલીસે આરોપી પાસેથી એલોપેથી દવા અને ઇનજેકશન મળી રૂપિયા 24,000થી વધુનો મુદ્દામાલ કબજે કર્યો હતો અને તેની ધરપકડ કરી કાયદેસરની કાર્યવાહી હાથ ધરી છે.
