ભરૂચઃ મુલદ ખાતે આવેલ ડમ્પિંગ સાઈટના કથિત કોભાંડમાં તપાસ સમિતિની બેઠક યોજાઈ હતી. જેમાં તપાસ પૂર્ણ ન થાય ત્યાં સુધી ડમ્પિંગ સાઈટના સુપરવાઈઝરને ફરજ મોકૂફ રાખવા આદેશ આપવામાં આવ્યો હતો.
ભરૂચના મુલદ ખાતે આવેલ ડમ્પિંગ સાઈટનાં કથિત કોભાંડમાં તપાસ સમિતિની બેઠક યોજાઈ
ભરૂચઃ મુલદ ખાતે આવેલ નગર સેવા સદનના ઘન કચરાના નિકાલની ડમ્પિંગ સાઈટમાં નાંણાનો વહીવટ કરી ગેરકાયદેસર રીતે રાસાયણિક કચરો ઠલવાતો હોવાની વાટ કરતો ડમ્પિંગ સાઈટના સુપરવાઈઝરનો વીડિયો વાયરલ થયો હતો. આ બાબતે વિપક્ષે ભારે હોબાળો મચાવતા સમગ્ર કોભાંડની તપાસ માટે એક કમિટીની રચના કરવામાં આવી હતી. જેમાં નગર પાલિકા પ્રમુખ,ચીફ ઓફિસર,સીટી એન્જીનિયર, વિપક્ષના નેતા અને શાશક પક્ષનાં નેતાનો સમાવેશ કરાયો હતો.