ભરૂચના કોવિડ સ્મશાનમાં મૃતદેહના ઢગ ખડકાયા

ભરૂચના કોવિડ સ્મશાનમાં ફરી એકવાર મૃતદેહોનો ખડકલો જોવા મળ્યો હતો. શુક્રવારની સાંજ સુધીમાં 15 વ્યક્તિઓના મૃતદેહને અગ્નિ દાહ આપવામાં આવ્યો હતો.

• રાજ્યમાં કોરોનાનો કહેર બેકાબૂ
• ભરૂચના કોવિડ સ્મશાનમાં મૃતદેહોનો ખડકલો
• શુક્રવારની સાંજ સુધીમાં 15 વ્યક્તિઓના અગ્નિ સંસ્કાર

ભરૂચઃ શહેરના એક માત્ર કોવિડ સ્મશાન ખાતે કોરોના સંક્રમિત વ્યક્તિઓના મૃતદેહોને અગ્નિ દાહ આપવામાં આવે છે. ભરૂચ-અંકલેશ્વર તેમજ આસપાસના વિસ્તારના મૃતદેહો પણ અહીં લાવવામાં આવે છે. ગુરુવારના રોજ એક જ દિવસમાં સૌથી વધુ 20 મૃતદેહ આવ્યા હતા. શુક્રવારની સવારથી ફરી એકવાર મૃતદેહો આવવાની શરૂઆત થઇ ગઈ હતી અને શુક્રવાર સાંજ સુધીમાં જ 15 વ્યક્તિઓને અગ્નિ સંસ્કાર આપવામાં આવ્યા હતા. જો કે તંત્રના ચોપડે ગત રોજ 1 મૃત્યુ નોંધાયું હતું. 1 એપ્રિલથી અત્યાર સુધીમાં કોવિડ સ્મશાનમાં જ અંતિમ સંસ્કારનો આંકડો 100ને પાર પહોચ્યો છે.

આ પણ વાંચોઃ ભરૂચના કોવિડ સ્મશાનમાં પિતાની ચિતા સામે દીકરીનું હૈયાફાટ રૂદન

કઈ તારીખે કેટલો મૃત્યુઆંક

• 1 એપ્રિલ – 4
• 2 એપ્રિલ – 6
• 3 એપ્રિલ – 12
• 4 એપ્રિલ – 11
• 5 એપ્રિલ – 6
• 6 એપ્રિલ – 13
• 7 એપ્રિલ – 16
• 8 એપ્રિલ – 20
• 9 એપ્રિલ - 15