ભરૂચમાં ઉનાળાના સમયમાં પાણીની તંગી ન સર્જાય તે માટે કોંગ્રેસની રજૂઆત

ભરૂચ નગર સેવા સદનના તમામ વોર્ડમાં ઉનાળાના સમયમાં પાણીની વિતરણ વ્યવસ્થા સુવ્યવસ્થિત કરવાની માગ સાથે કોંગ્રેસ દ્વારા ચીફ ઓફિસરને રજૂઆત કરવામાં આવી હતી.

ભરૂચ: જિલ્લા નગર સેવા સદનમાં વિપક્ષ કોંગ્રેસના નેતા સમસાદ સૈયદ અને અન્ય સભ્યો દ્વારા નગર પાલિકાના ચીફ ઓફિસર સંજય સોનીને રજૂઆત કરવામાં આવી હતી.

હાલ ઉનાળો ચાલી રહ્યો છે અને સાથે જ રમઝાન માસ પણ ચાલી રહ્યો છે. ત્યારે શહેરના તમામ 11 વોર્ડમાં પાણી નિયમિત મળે અને સાથે જ જે જગ્યાએ ટાંકી અથવા પાઈપનું સમારકામ કરવાનું હોય એ કામગીરી તાકીદે શરૂ કરવા માંગ કરવામાં આવી હતી.