ભરૂચના સ્પેશ્યિલ કોવિડ સ્મશાનમાં મોત મામલે BJPના સાંસદ સુબ્રમણ્યમ સ્વામીનું ટ્વિટ

કોરોનામાં થઈ રહેલા મૃત્યુમાં દેશમાં સરકાર દ્વારા જારી કરવામાં આવી રહેલા સત્તાવાર આંકડા કરતા કોવિડ સ્મશાનમાં મૃતકોના થઈ રહેલી અંતિમ સંસ્કાર અનેક ગણા વધુ હોવાની આંકડાકીય માહિતી સામે BJPના જ વરિષ્ઠ સાંસદે ટ્વિટ કરી આ સામે સરકારને સ્પષ્ટતા કરવા માગ કરી છે. જેમાં ભરૂચના કોવિડ સ્મશાનમાં મૃત્યુઆંક વધુ હોવાનું દર્શાવવામાં આવ્યું છે.

• જાહેર કરવામાં આવતા આંકડા કરતા કોવિડ સ્મશાનમાં મૃત્યુઆંક અનેક ઘણો વધારે
• કોરોના મૃત્યુની સત્તાવાર ગણતરી અનેક ગણી ઓછી હોવાના આક્ષેપ
• સરકાર સ્પષ્ટતા કરે એવી માગ

ભરૂચ:સમગ્ર દેશ સાથે ગુજરાતમાં કોરોનાની આ બીજી લહેરે હાહાકાર મચાવ્યો છે અને અત્યાર સુધીના અનેક રેકોર્ડ બ્રેક કર્યા છે. ઠેર ઠેર મૃત્યુઆંકમાં વધારો નોંધાઇ રહ્યો છે ત્યારે સરકાર દ્વારા બહાર પાડવામાં આવતા આંકડા સામે BJPના સાંસદે જ અવાજ ઉઠાવ્યો છે. BJPના વરિષ્ઠ સાંસદ સુબ્રહ્મણયમ સ્વામીએ એક ટ્વિટ કર્યું છે. જેમાં સરકાર દ્વારા જાહેર કરવામાં આવતા આંકડા કરતા કોવિડ સ્મશાનમાં મૃત્યુઆંક અનેક ઘણો વધારે હોવાનું જણાવવામાં આવ્યું છે.

આ પણ વાંચો: ભરૂચમાં કોરોનાનું સંક્રમણ વધતા કલેક્ટરે તાકીદની બેઠક બોલાવી

ભરૂચમાં સૌથી વધુ મૃત્યુઆંક!

દેશના જિલ્લાઓમાં સરકારી સત્તાવાર કોરોના મૃત્યુના આંકડા અને સ્મશાનમાં મોત અંગે સૌથી વધુ અનેકગણી અસમાનતામાં સૌથી મોખરે ભરૂચ જિલ્લો છે. સરકારી કોવિડ મોતના આંકડામાં ભરૂચ જિલ્લામાં 40 લોકોના અત્યાર સુધી મૃત્યુ થયા હોવાનું જારી કરાયું છે. જ્યારે કોવિડ સ્મશાનમાં મૃતદેહોના અંતિમ સંસ્કારનો આંકડો 550ને પાર કરી ગયો છે.

સુબ્રમણ્યમ સ્વામીનું ટ્વિટ

સરકાર સ્પષ્ટતા કરે એવી માગ કરી

સુબ્રમણ્યમ સ્વામીએ ટ્વિટમાં સરકાર પાસે કોરોના મૃત્યુના સરકારી ઓછા આંકડા અને સ્મશાનમાં આવતા મૃતદેહો અંગે સ્પષ્ટતા માંગી છે. ભારતભરના જિલ્લાઓમાં, કોવિડનાં મૃત્યુની સત્તાવાર ગણતરીઓ વિશેષ કોવિડ સાઇટ્સ પર લોકોના અંતિમ સંસ્કાર કરતા અનેકગણી ઓછી છે. આ અંગે સરકાર વાસ્તવિકતા જાહેર કરે કે આ આંકડા ડાઓને નકારે તેમ પણ ટ્વીટમાં જણાવ્યું છે.

આ પણ વાંચો: ભરૂચમાં શનિવારે બપોરે 12 વાગ્યાથી સોમવારે સવારે 6 વાગ્યા સુધી બજારો રહેશે બંધ

કોરોના સંક્રમણ વધતા કલેક્ટરે બેઠક બોલાવી

ઉલ્લેખનીય છે કે, કોરોનાના કેસો દિવસેને દિવસે વધી રહ્યા છે ત્યારે ભરૂચ જિલ્લામાં કોરોના સંક્રમણ વધતા કલેક્ટરે બેઠક બોલાવી હતી. આ બેઠકમાં જિલ્લા આરોગ્ય અધિકારી તેમજ અન્ય હોસ્પિટલના પ્રતિનિધિઓ ઉપસ્થિત રહ્યા હતા.