માહિતી પ્રમાણે, સુરત અને ભરૂચ જિલ્લાની સરહદ કોસંબા નજીક આવેલા ઉંટીયાદરા ગામ પાસે બંધ હાલતમાં રહેલા પી.જી.ગ્લાસ કંપનીમાં લુંટ વિથ મર્ડરની ઘટના સામે આવી છે. જેમાં મોડી રાત્રે 40 જેટલા લુંટારુઓ ત્રાટક્યા હતા અને આતંક મચાવ્યો હતો. કંપનીમાં રહેલા સામાનની રખેવાળી કરતા 6 સિક્યુરિટી ગાર્ડ આ લુંટારુઓનો પ્રતિકાર કરતા હથીયારો સાથે તેમના પર હુમલો કર્યો હતો. જેમાં 60 વર્ષીય દેવાભાઈ રબારી, પીરાભાઈ રબારીનું ઘટના સ્થળે જ મોત થયું હતું, જ્યારે ગોવાભાઈ રબારીનું હોસ્પીટલમાં સારવાર દરમિયાન મોત થયું હતું. સાથે જ ઈશ્વર રબારી, મફત રબારી અને જનાર્દન રબારી નામના સિક્યુર્ટી ગાર્ડને સારવાર અર્થે નજીકની હોસ્પિટલ ખસેડવામાં આવ્યા છે.
અંકલેશ્વરનાં ઉંટીયાદરા ગામમાં ૩ સિક્યુરીટી ગાર્ડની હત્યા