deesa grampanchayat election 2021:અખોલ ગ્રામપંચાયત ચૂંટણીમાં સ્વર્ગસ્થ પતિની ઇચ્છા પૂર્ણ કરવા પત્ની મેદાને

બનાસકાંઠામાં ડીસાની આખોલ ગ્રામપંચાયતની ચૂંટણીમાં (akhol grampanchayat election2021) સ્વર્ગસ્થ પતિની ઈચ્છા પુરી કરવા પત્નિ મેદાનમાં ઉતરી છે.ગ્રામજનો પણ મહિલા ઉમેદવાર (woman candidate In Election) કમળાબેનનને સારો આવકાર આપી રહ્યા છે.કમળાબેન હાલમાં પશુપાલન પોતાના પરિવનરનું કરીને ગુજરાન ચલાવી રહ્યા છે.

• બનાસકાંઠા જિલ્લાની ગ્રામ પંચાયતની ચૂંટણીનું કાઉન્ટડાઉન શરૂ
• આખોલ ગામની મહિલા સ્વર્ગસ્થ પતિની ઇચ્છા પૂરી કરવા મેદાનમાં
• ગ્રામજનોના પણ આપી રહ્યા છે સાથ-સહકાર

બનાસકાંઠા:જિલ્લામાં યોજાનારી ગ્રામ પંચાયતની ચૂંટણીને લઈ આજથી કાઉન્ટડાઉન શરૂ થઈ ગયું છે. વહીવટી તંત્ર દ્વારા પણ ગ્રામ પંચાયતની ચુંટણીને (akhol grampanchayat election2021) લઈ તમામ પ્રકારની તૈયારીઓ કરી દેવામાં આવી છે. ગ્રામ પંચાયતની ચૂંટણીઓ જાહેર થતાની સાથે જ ઉમેદવારો અને ગ્રામીણ વિસ્તારના લોકોમાં ભારે ઉત્સાહ જોવા મળી રહ્યો છે.પોતાના પસંદગીના ઉમેદવારને વિજયી બનાવવા માટે અત્યારથી જ મતદારો મેદાનમાં આવી ગયા છે.

ગ્રામજનોએ મહિલા ઉમેદવારને મેદાનમાં ઉતાર્યા

બનાસ નદીના કિનારે આવેલા ડીસા તાલુકાના આખોલ ગામમાં અંદાજિત 4000 જેટલા મતદારો છે. આ વખતની ગ્રામ પંચાયતની ચૂંટણીમાં આખોલ ગામમાં પણ મહા સંગ્રામ સર્જાવાનો છે. ગ્રામજનોએ સરપંચ તરીકે એક વિધવા મહિલાને ઉમેદવાર તરીકે ઉભા રાખ્યા છે કારણકે આ ગામના જ સામાજિક કાર્યકર વિજુભા પરમારનું અવસાન થયું છે. વિજુભાએ ગામમાં તમામ સમાજના લોકોના કાર્યો કર્યા છે અને તેમની ઇચ્છા હતી કે તેમના પરિવારમાંથી કોઇ સરપંચ બને, પરંતુ તેમનું અવસાન થતાં હવે ગ્રામજનોએ તેમની ઇચ્છા પૂર્ણ કરવા માટે તેમની વિધવા પત્ની કમળાબેન પરમારને સરપંચ બનાવવા માટે ચૂંટણી મેદાનમાં ઉતાર્યા છે.

પતિની અધૂરી ઈચ્છ પૂર્ણ કરવા મહિલા ઉમેદવાર મેદાનમાં

ગત ચૂંટણીમાં અહીં સરપંચ તરીકે ભરતભાઈ ધૂંખ વિજેતા બન્યા હતા અને આ વખતે પણ તેઓ ફરીથી ચૂંટણીમાં લડવાના છે તો બીજી તરફ કમળાબેન પશુપાલન કરી પરિવારનું ગુજરાન ચલાવે છે જેથી ગામલોકો ચૂંટણી જીતવા માટે લોકફાળો પણ એકઠો કરી આપવાના છે. કમળાબેન પણ સરપંચ બન્યા બાદ સમાજના કાર્યો કરવાની અને વિકાસ કરવાની ઈચ્છા વ્યક્ત કરી હતી.

આ પણ વાંચો