ડીસાઃ કોરોના વાઇરસ સામેની લડાઈમાં ગરીબ લોકોને રાશન મળી રહે તે માટે ગુજરાત સરકાર દ્વારા 1લી એપ્રિલ થી સસ્તા અનાજની દુકાનો પરથી રાશન આપવાનું શરૂ કરવામાં આવ્યું છે, ત્યારે શુક્રવારે ડીસા મામલતદાર કચેરીમાં મહિલાઓએ રાશનકાર્ડમાં સિક્કો કરાવવા માટે હંગામો મચાવ્યો હતો.
ડીસા મામલતદાર કચેરીમાં રાશનકાર્ડમાં સિક્કો કરાવવા હોબાળો - રાશનકાર્ડમાં સિક્કો કરાવવા માટે લોકોનો હંગામો
એક તરફ કોરોનાનું મહા સંકટ છે અને બીજી તરફ ડીસા મામલતદાર કચેરી બહાર લોકોએ રાશનકાર્ડમાં સિક્કો કરાવવા માટે હોબાળો મચાવ્યો હતો. મામલતદાર કચેરી બહાર મોટી સંખ્યામાં લોકો ઉમટ્યા હતા.
ડીસા મામલતદાર કચેરીમાં રાશનકાર્ડમાં સિક્કો કરાવવા માટે લોકોનો હંગામો
જો કે, પુરવઠા મામલતદાર દ્વારા નેશનલ ફૂડ સિક્યોરિટી એકટ સિવાયના કાર્ડધારકોને અનાજ મળવાપાત્ર નથી તેમ જણાવતાં મહિલાઓ આક્રમક બની હતી. મામલતદાર કચેરીના કમ્પાઉન્ડમાં કાર્ડધારકોના ટોળેટોળાં ઉમટી પડતાં સોશિયલ ડીસ્ટન્સ અને કલમ 144નો સરેઆમ ભંગ જોવા મળ્યો હતો. ડીસા શહેર ઉત્તર પોલીસ ઘટનાસ્થળે દોડી આવી મહિલાઓ અને કાર્ડધારકોને સમજાવીને રવાના કરતાં મામલો થાળે પડયો હતો.