હિન્દુ ધર્મમાં અનેક તહેવારોનું મહત્વ રહેલું છે. જેમાં ખાસ કરીને દિવાળીનો તહેવારએ હિંદુ ધર્મમાં સૌથી પવિત્ર તહેવાર માનવામાં આવે છે. આ તહેવારમાં લોકો એકબીજાના ઘરે જઈ સાથે મળી આ તહેવારની ઉજવણી કરતા હોય છે ત્યારે, દિવાળી બાદ પૂનમના દિવસે દેવ દિવાળીનો તહેવાર આવે છે. જે દિવસે સમગ્ર બનાસકાંઠા જિલ્લામાં અનેક તાલુકાઓમાં ભાતીગળ મેળાઓ ભરાય છે.
બનાસકાંઠા જિલ્લાના આગથળા, લાખણાસર ગામેમાં દેવદિવાળી નિમિતે છેલ્લા ઘણા વર્ષોથી ભાતીગળ મેળા ભરાય છે. જેમાં દુરદુરથી આ મેળામાં લોકો આવતા હોય છે અને ભગવાનના દર્શન કરી ધન્યતા અનુભવતા હોય છે ત્યારે આ મેળાને લઈ ડીસાના ગાયત્રી મંદિર પાસે નાસિક અને ભિલોડાથી મોટા પ્રમાણમાં શેરડી વેચાવવા માટે આવી હતી. જે શેરડીની ખરીદી કરવા માટે ડીસાના વેપારીઓ મોટી સંખ્યામાં જોવા મળ્યા હતા. ગત વર્ષે આ શેરડીનો ભાવ 50 રૂપિયા હતો ત્યારે આ વર્ષે આ શેરડીનો ભાવ 50 થી 80 રૂપિયા જેટલો મળતા વેપારીયોમાં ખુશી જોવા મળી હતી.
