જાણો, ગુજરાતના એક એવા ગામ વિશે જ્યાં ચાર મહિનાથી ગ્રાહક સુરક્ષા અદાલત જ બંધ છે

જિલ્લા સહિત સમગ્ર ગુજરાત અને દેશમાં સૌથી મોટો વર્ગ હોય જ તો તે છે ગ્રાહકનો અને ગ્રાહક ડગલેને પગલે છેતરાય નહિ તેની સુરક્ષા માટે સરકાર દ્વારા ગ્રાહકો સુરક્ષા ફોરમ અને કોર્ટનું આયોજન કર્યું છે, પરંતુ બનાસકાંઠા જિલ્લામાં છેલ્લા ચાર મહિનાથી કોર્ટમાં મુખ્ય જજ ન હોવાના કારણે અનેક કેશો અટવાઈ પડ્યા છે.

બનાસકાંઠા : કોઈપણ ઉંમરનો વ્યક્તિ ચાહે તે બાળક હોય, મહિલા હોય કે પછી પુરુષ તે ગ્રાહક તો હોય જ છે અને આ ગ્રાહકો ડગલેને પગલે ખરીદી કરતી વખતે છેતરામણીનો ભોગ ન બને તે માટે સરકાર દ્વારા ગ્રાહક તકરાર નિવારણ ફોરમની રચના કરવામાં આવી છે. જેમાં બનાસકાંઠા જિલ્લામાં પણ પાલનપુર ખાતે જિલ્લા ગ્રાહક તકરાર નિવારણ ફોરમની કોર્ટ આવેલી છે. જ્યાં ગ્રાહકોને લગતી ફરિયાદોના કેશો ચલાવવામાં આવે છે, પરંતુ પાલનપુરમાં આવેલી જિલ્લા ગ્રાહક તકરાર નિવારણ ફોરમમાં છેલ્લા ચાર મહિનાથી મુખ્ય ન્યાયાધીશની જગ્યા ખાલી છે એટલું જ નહીં પરંતુ તેમની સાથે કામ કરતાં બે સભ્યોની જગ્યા પણ ખાલી જ છે. જેના કારણે અહીં ચાલતા 378 જેટલા ગ્રાહકોના કેસો હાલમાં અટવાઈ પડ્યા છે અને ગ્રEહકો હાલાકીનો સામનો કરી રહ્યા છે.

બનાસકાંઠા જિલ્લો આમ તો વિસ્તારની દ્રષ્ટિએ સૌથી મોટો જિલ્લો છે અને અહીં અંદાજે ૩૫ લાખથી પણ વધુ લોકો રહે છે. તેમાં પણ વળી ડીસા અને બનાસકાંઠા જિલ્લામાં ડુપ્લીકેટ ચીજવસ્તુઓનું ધૂમ વેચાણ થતું હોવાના કારણે અનેક વાર ગ્રાહકો છેતરામણીનો ભોગ બનતા હોય છે. તેવામાં જિલ્લામાં એક માત્ર પાલનપુર ખાતે આવેલી જિલ્લા ગ્રાહક તકરાર નિવારણ ફોરમમાં પણ મુખ્ય જજ ન હોવાના કારણે ફરિયાદીઓને ભારે હાલાકીનો સામનો કરવો પડી રહ્યો છે. એટલું જ નહીં, પરંતુ જિલ્લા ગ્રાહક તકરાર નિવારણ ફોરમમાં જજની નિમણુક રાજ્ય કમિશનના ન્યાયાધીશ દ્વારા કરવામાં આવે છે અને ત્યાં પણ રાજ્ય કમિશનમાં પણ છેલ્લા ચાર મહિનાથી મુખ્ય ન્યાયાધીશ ન હોવાના કારણે વિલંભ થઈ રહ્યો છે. હવે રાજ્ય કમિશનમાં જજની નિંમણૂક થાય પછી જ જિલ્લા ગ્રાહક તકરાર નિવારણ ફોરમમાં જજની નિમણૂક થશે, ત્યાં સુધી તો ગ્રાહકોના કેસો વિલંબિત થતા જ રહેશે.એક તરફ સરકાર ડિજિટલ ઇન્ડિયાની વાતો કરી રહી છે. તો બીજી તરફ 35 લાખની વસતી ધરાવતા બનાસકાંઠા જિલ્લામાં ગ્રાહકોને ડગલેને પગલે સુરક્ષા માટે બનાવવામાં આવેલી જિલ્લા ગ્રાહક તકરાર નિવારણમાં એક પણ સભ્ય કે જજ નથી જેના કારણે ગ્રાહકોને ભારે હાલાકી ભોગવવાઈ પડે છે, ત્યારે સરકાર તાત્કાલિક જજની નિંમણૂક કરી કેશોનો ત્વરિત નિકાલ કરે તે જ સમયની માગ છે.