Deesa Market Yard Election: માવજીભાઈ દેસાઈની બિનહરીફ વરણી

ડીસા માર્કેટિંગ યાર્ડની ( Deesa Market Yard Election ) અઢી વર્ષની ટર્મ માટે ચેરમેન પદની ચૂંટણી આજે માર્કેટ યાર્ડના સભા હોલમાં યોજાઈ હતી. જેમાં 14 પૈકી 13 નિયામક મંડળના સભ્યો હાજર રહ્યાં હતાં.. ચેરમેન પદ માટે માવજી દેસાઈની બિનહરીફ વરણી થતાં માવજી દેસાઈના સમર્થકોમાં આનંદ છવાઈ ગયો હતો.

• બનાસકાંઠા જિલ્લામાં માર્કેટ યાર્ડની ચૂંટણીઓમાં રસાકસી જામી
• માર્કેટ યાર્ડના 14 સભ્યોમાંથી 13 સભ્યો હાજર રહ્યાં
• માવજી દેસાઈને તમામ સમર્થકોએ શુુભેચ્છાઓ પાઠવી

બનાસકાંઠાઃ જિલ્લામાં હાલ માર્કેટ યાર્ડની ( Deesa Market Yard Election ) ચૂંટણીઓ યોજાઈ રહી છે.જેમાં તમામ માર્કેટયાર્ડની ચૂંટણી રસાકસી બની રહી છે, આ ચૂંટણીઓ આમ તો સરકાર દ્વારા યોજાતી હોય છે, પરંતુ હવે બનાસકાંઠા જિલ્લાની ચૂંટણીઓ ભાજપ અને ભાજપ વચ્ચે યોજાઈ રહી હોય તેવું સ્પષ્ટ દેખાઈ રહ્યું છે. બનાસકાંઠા જિલ્લાની લાખણી માર્કેટ યાર્ડની ચૂંટણીમાં ભાજપના ઉમેદવાર સામે ભાજપના ઉમેદવારે ઉમેદવારી કરતા ચૂંટણી સ્થગિત કરવામાં આવી હતી.
ડીસા માર્કેટયાર્ડની ચૂંટણી યોજાઈ
ડીસા એપીએમસીમાં ( Deesa Market Yard Election ) ચેરમેન પદની ચૂંટણી માટે સહકાર રાજકારણમાં ગરમાવો હતો. છ માસ અગાઉ અચાનક ચેરમેન તેમજ વાઇસ ચેરમેનની વરણી માટેની ચૂંટણી પ્રક્રિયા સરકાર દ્વારા સ્થગિત રાખવામાં આવી હતી. જે બાદ આજે ફરી ભૂજ જિલ્લા રજિસ્ટ્રારના અધ્યક્ષસ્થાને ડીસા એપીએમસીના ચેરમેન માટેની ચૂંટણી યોજાઈ. જેમાં ડીસા એપીએમસીમાં ચૂંટાયેલા 14 સભ્યો પૈકી 13 સભ્યો હાજર રહ્યાં હતાં.

ડીસા માર્કેટયાર્ડમાં બિનહરીફ વરણીડીસા માર્કેટયાર્ડની આ ચૂંટણીમાં ( Deesa Market Yard Election ) આજે માવજી દેસાઈ સામે એકપણ ઉમેદવાર ચૂંટણીમાં આવ્યો ન હતો.જેથી ચૂંટણી પ્રક્રિયા દરમિયાન માત્ર એક ફોર્મ ચેરમેન પદ માટે આવતા ચેરમેન તરીકે માવજી દેસાઈ બિનહરીફ નિયુક્ત થયા છે. માવજી દેસાઈ બિનહરીફ નિયુક્ત થતાં તેમના સમર્થકોમાં આનંદની માહોલ છવાયો છે અને માર્કેટયાર્ડના સમર્થકોએ માવજીભાઈ દેસાઈને ફૂલહાર પહેરાવી અને માર્કેટયાર્ડ માટે ફરી સારું કામ કરે તે માટે શુભેચ્છાઓ પાઠવી હતી.આ પણ વાંચોઃ Banaskatha: જિલ્લાના કોલ્ડ સ્ટોરેજના પ્રમુખની વરણી, ફૂલચંદ માળીની કરાઈ પસંદગી

આ પણ વાંચોઃ ડીસાના ખેડૂતો વરસાદી પાણી બચાવી કરશે ખેતી