બનાસકાંઠામાં એક સાથે 45 રસીકરણ કેન્દ્રો પર 3,457 લોકોને કોરોનાની રસી અપાઈ

બનાસકાંઠા જિલ્લા આરોગ્ય વિભાગે કોરોના કાળમાં પણ ખૂબ જ સારી કામગીરી કરી છે. હવે આરોગ્યકર્મીઓને કોરોનાની રસી આપવામાં પણ હાલના તબક્કે નોંધપાત્ર કામગીરી કરી છે. જિલ્લામાં એક જ દિવસે એકસાથે 45 રસીકરણ કેન્દ્ર પર થયેલા રસીકરણમાં લક્ષ્યાંકથી 1300 જેટલા વધુ આરોગ્ય કર્મચારીઓને રસી આપવામાં સફળતા મેળવી છે.

• બનાસકાંઠા જિલ્લામાં એક સાથે 45 કેન્દ્ર પર કોરોનાની રસી અપાઈ
• 2138 લોકોને રસી આપવાના લક્ષ્યાંક સામે 3457 લોકોને રસી અપાઈ
• 16 ડિસેમ્બરથી ભારતમાં વિશ્વનું સૌથી મોટું કોરોના રસીકરણ અભિયાન શરૂ થયું છે

બનાસકાંઠાઃ 16 ડિસેમ્બરથી ભારતમાં વિશ્વનું સૌથી મોટું કોરોના રસીકરણ અભિયાન શરૂ થઈ ગયું છે, જેમાં બનાસકાંઠા જિલ્લામાં પણ જુદાં જુદાં તબક્કાઓમાં આરોગ્યકર્મીઓને કોરોનાની રસી આપવાની કામગીરી હાથ ધરાઈ છે, જેમાં એક જ દિવસમાં 45 કેન્દ્ર પર એકસાથે એક જ દિવસમાં 2,137 આરોગ્ય કર્મચારીઓને રસી આપવાનું અભિયાન શરૂ કરાયું હતું. આમાં આરોગ્ય વિભાગ લક્ષ્ય કરતા વધુ 1,319 વ્યક્તિઓને કોરોનાની રસી આપવામાં સફળ રહ્યું છે. જિલ્લામાં થઈને કુલ 2,137 વ્યક્તિઓને કોરોના રસી લગાવવાનું લક્ષ્ય હતું, જેની સામે 3457 વ્યક્તિઓને કોરોનાની રસી આપવામાં જિલ્લા આરોગ્ય તંત્ર સફળ રહ્યું છે.

કોરોનાની રસી આપવાની અત્યાર સુધીની કામગીરી

તારીખ	આટલા લોકોને કોરોનાની રસી અપાઈ
16 ડિસેમ્બર	78
19 ડિસેમ્બર	166
21 ડિસેમ્બર	324
22 ડિસેમ્બર	288
23 ડિસેમ્બર	192
25 ડિસેમ્બર	164
27 ડિસેમ્બર	105
28 ડિસેમ્બર	3457