અંબાજી આબુ રોડ પંથકમાં અનેક નદી નાળાનાં પાણી સમુદ્રની જેમ ઉછાળા મારી રહ્યા છે. અંબાજીથી 10 કિલોમીટર દૂર સુરપગલા ગામે કોઝવે પાણીમાં ગરકાવ થઇ જતા 15 થી 20 જેટલા માણસો બંને કાંઠે ફસાયેલા જોવા મળ્યા હતા.
અંતરિયાળ વિસ્તારના ગામોમાં જવાનો રસ્તો પણ બંધ થઇ જવાથી કેટલાક લોકો જીવનના જોખમે નદીમાંથી પસાર થતા જોવા મળ્યા હતા. જોકે આ કોઝવે ઉપર અવારનવાર વરસાદી પાણીના ભારે વહેણ આવતા અનેકવાર રસ્તો બંધ થઇ જવાના પ્રશ્નો સર્જાયે છે, તેવામાં કોઈ દર્દીને હોસ્પિટલ લઇ જવો હોય, તો ભારે મુશ્કેલીનો સામનો કરવો પડે છે .જેથી આ વિસ્તારના લોકો આ કોઝવે પર પુલ બનાવી પ્રશ્નનો કાયમી હલ કરવા માગ કરી રહ્યા છે.
