બનાસકાંઠા:જિલ્લાના થરાદ ધાનેરા હાઇવે પર પાવડાસણ પાટિયા નજીક ટ્રેક્ટર પાછળ અલ્ટો કાર ઘુસી જતા ઘટનાસ્થળે જ 5 લોકોના મોત (5 Died in Accident) નિપજ્યા હતા. થરાદ તાલુકાના ખેડાથી પરિવારના સભ્યો મોડી રાતે પોતાના ઘરે ભાખડીયાલ જઇ રહ્યા હતા, તે દરમિયાન પાવડાસણ પાટિયા પાસે રોડ પર જઈ રહેલા ટ્રેક્ટર સાથે કાર (Accident Between car and tractor) અથડાતા અકસ્માત સર્જાયો (accident on Tharad Dhanera Highway) હતો, જેમાં ઘટનાસ્થળે જ ઠાકોર પરિવારના ચાર લોકોના મોત નિપજ્યા હતા, જ્યારે ટ્રેક્ટરમાં બેસેલા મજૂરનું મોત નીપજ્યું હતું. તો 3 ઈજાગ્રસ્તોને સારવાર માટે ધાનેરાની ખાનગી હોસ્પિટલમાં ખસેડાયા હતા.
થરાદ પોલીસે અકસ્માત મામલે તપાસ હાથ ધરી
થરાદ ધાનેરા રોડ પર અકસ્માત સર્જાતા ઘટનાસ્થળે જ પાંચ લોકોના મોત નિપજ્યા હતા. આ અકસ્માતની જાણ આજુબાજુના લોકોને થતાં તેઓ તાત્કાલિક ઘટનાસ્થળે દોડી આવ્યા હતા અને અકસ્માતની જાણ તાત્કાલિક પોલીસ મથકે કરી હતી. ધાનેરા અને થરાદ પોલીસે અકસ્માત મામલે તપાસ હાથ ધરી છે. 4 મૃતક ભાખડીયાલના અને 1 જડિયાલીનો છે.