બનાસકાંઠામાં ઉત્મસાહ સાથે મતદાન પૂર્ણ

બનાસકાંઠાઃ લોકસભાની ચૂંટણીમાં બનાસકાંઠા જિલ્લામાં શાંતિપૂર્ણ માહોલમાં મતદાનની પ્રક્રિયા પૂર્ણ થઈ છે. બનાસકાંઠા બેઠક પર કુલ 14 ઉમેદવારો મેદાનમાં હતા, જેમનું ભાવિ મતપેટીમાં સીલ થયું છે.

બનાસકાંઠા જિલ્લામાં પણ મંગળવારે શાંતિપૂર્ણ માહોલમાં લોકસભાની ચૂંટણી માટેનું મતદાન પૂર્ણ થયું હતું. સવારે 7:00 વાગ્યે ચુસ્ત પોલીસ બંદોબસ્ત વચ્ચે શરૂ થયેલું મતદાન 6:00 વાગ્યે પૂર્ણ થયું હતું. બનાસકાંઠા જિલ્લામાં ભાજપ-કોંગ્રેસ સહિત કુલ 14 ઉમેદવારો મેદાનમાં હતા અને આ તમામ ઉમેદવારોના ભાવિ EVM મશીનમાં સીલ થયા હતા. બનાસકાંઠામાં ગરમી હોવા છતાં લોકોએ ખૂબ જ ઉત્સાહભેર મતદાન કર્યું હતું.

ગત વર્ષની સરખામણીમાં આ વર્ષે બનાસકાંઠા જિલ્લામાં 8 ટકા જેટલું વધારે મતદાન થયું હતું, ત્યારે મંગળવારે 24 ઉમેદવારોનું ભાવિ EVM મશીનમાં સિલ થતા આગામી 23 મેના રોજ આ રહસ્ય પરથી પડદો ઉઠશે અને બનાસકાંઠાની જનતા કોને સરતાજ પહેરાવશે તે એક મહિના પછી પરિણામ બાદ ખ્યાલ આવશે.