બનાસકાંઠા: એશિયામાં સૌથી વધુ દૂધ મેળવતી અને મોટી બનાસ ડેરીની રવિવારે વાર્ષિક સાધારણ સભા યોજાઈ હતી. કોરોના મહામારીના પગલે આ સાધારણ સભા સોશિયલ ડિસ્ટન્સ સાથે કરવામાં આવી હતી. 50 સભ્યોની હાજરીમાં યોજાયેલી આ સાધારણ સભામાં બનાસ ડેરીની વાર્ષિક આવક તેમજ ડેરીએ કરેલા વિકાસની સમગ્ર રૂપરેખા રજૂ કરાઈ હતી.
બનાસ ડેરીના ચેરમેન શંકર ચૌધરીએ ઓનલાઇન માધ્યમથી ડેરી સાથે જોડાયેલી 1,400 મંડળીઓના પશુપાલકોને માહિતી આપી હતી. દર વર્ષે સાધારણ સભામાં ભાવ વધારો કેટલો મળશે તેના પર પશુપાલકોની કાગડોળે નજર હોય છે, ત્યારે બનાસડેરીના ચેરમેન શંકર ચૌધરીએ આ વર્ષે ઐતિહાસિક ભાવ વધારો આપ્યો છે. 1,144 કરોડ જેટલી માતબર રકમ ભાવ વધારામાં આપતાં જિલ્લાના પશુપાલકોમાં ખુશીની લહેર પ્રસરી છે.
એશિયાની સૌથી મોટી બનાસ ડેરીની 52મી વાર્ષિક સાધારણ સભા યોજાઈ