મોડાસા યુવતી અપમૃત્યુ કેસઃ સાક્ષીઓના નિવેદન લેવાયા

અરવલ્લી જિલ્લાના મોડાસાના એક ગામની 19 વર્ષીય યુવતીના શંકાસ્પદ મૃત્યુ કેસની CID ક્રાઇમ તપાસ કરી રહી છે. આ સમગ્ર મામલે નિર્મલ સોસાયટી દ્વારા સાક્ષીઓને મોડાસા કોર્ટમાં રજૂ કરવામાં આવ્યાં હતાં. આ સાથે જ તમામ સાક્ષીઓના IPC કલમ 164 મુજબ ગુપ્તરાહે નિવેદનો પણ લેવામાં આવ્યાં છે.

અરવલ્લી: CID ક્રાઇમ ગૌતમ પરમારના વડપણ હેઠળ આ મામલે વધુ તપાસ માટે સી.આઇ.ડી ક્રાઇમ અને એફ.એસ.એલ.ની ટીમે સાયરા ગામે પહોંચી ઘટના સ્થળનું પૃથ્થકરણ કર્યું હતું. આ લટકતી હાલતમાં મળેલા યુવતીના મૃતદેહને ડમી બનાવી સમગ્ર ઘટનાનું રિકન્સટ્રકસન કરી વૈજ્ઞાનિક ઢબે પુરાવા પ્રાપ્ત કરવા ઝીણવટભરી તપાસ હાથ ધરી હતી.

આ ઘટનાને 2 માસ થવા આવ્યા છે, ત્યારે સાક્ષીઓના નિવેદન તપાસને યોગ્ય દિશા મળશે તેવું લાગી રહ્યું છે. આ સમગ્ર મામલે અત્યાર સુધીમાં 3 આરોપીઓની ધરપકડ થઈ છે. જેઓ જ્યુડિશિયલ કસ્ટડીમાં છે. જો કે, હજુ પણ એક આરોપી પોલીસ પકડથી દૂર છે.