આ શોભાયાત્રામાં મોટી સંખ્યામાં સતવારા, કડીયા સમાજ અને વિશ્વકર્મા દાદાના ભક્તો મોટી સંખ્યામાં જોડાયા હતા. દર વર્ષની જેમ આ વર્ષે પણ શોભાયાત્રાનું ભવ્ય આયોજન કરવામાં આવ્યું હતું. આ સાથે જ પુલવામા આતંકી ઘટનામાં શહીદ થયાલે જવાનોને શ્રદ્ધાંજલિ પણ આપવામાં આવી હતી.
આ વખતે વિશ્વકર્મા દાદાની શોભાયાત્રામાં દેશ માટે શહીદ થનારા જવાનો માટે રાષ્ટ્ર ભક્તિના જ ગીતો વગાડવામાં આવ્યા હતા. શોભાયાત્રામાં જોડાયેલા તમામ લોકોના હાથમાં ત્રિરંગા નજરે પડી રહ્યા હતા. લોકોએ રાષ્ટ્રભાવનાનું ઉત્તમ ઉદાહરણ પૂરું પાડી શહીદ જવાનોને શ્રધાંજલિ અર્પિત કરી હતી.
ઉપરાંત શોભાયાત્રામાં એકઠું થયેલા દાનનો ઉપયોગ શહીદ જવાનોના પરિવારજનોને આર્થિક મદદ કરવાની પણ સમાજના આગેવાનોએ દેશભક્તિ માટે ઉત્તમ ઉદાહરણ પુરૂ પાડ્યું હતું.
