અરવલ્લીના મોડાસામાં વાવાઝોડા અને વરસાદના કારણે દિવાલ ધરાશાયી, 2 કાર દટાઈ

અરવલ્લીઃ ગત મોડી રાતે અરવલ્લી જિલ્લામાં મુશળધાર વરસાદ પડતા કેટલાય વૃક્ષો ધરાશાયી થયા હતા. આ ઉપરાંત, મોડાસાના બાલાજી કોમ્પ્લેક્સને અડીને આવેલ સરકારી વિશ્રામ ગૃહની દિવાલ જમીન દોસ્ત થતાં 2 કાર દટાઈ ગઈ હતી.

બાલાજી કોમ્પ્લેક્સના રહીશોના જણાવ્યા અનુસાર, દિવાલ જર્જરિત થઈ ગઈ હોવાથી વારંવાર રજૂઆત કરવા છતાં પણ, તેમની વિનંતીને ધ્યાન પર લેવામાં આવી નથી, જેથી તંત્રની બેદરકારીને કારણે આ ઘટના ઘટી છે.