- સોનીના થેલામાંથી 11 લાખ સોનાના દાગીના સેરવી લીધા
- 217.900 મિલીગ્રામ વજન ધરાવતી સોનાની વીંટી અને બુટ્ટીઓ ગઠિયા તફડાવી ગયા
- રેમડેસીવીર ઇન્જેક્શનનું કાળા બજારીનું ચેકિંગ ચાલે છે તેમ કહીને કરી ચોરી
અરવલ્લી : અમદાવાદના ધીરજ સોની ઓર્ડરના દાગીના અપાવા માટે શનિવારના રોજ ભિલોડા આવ્યા હતા. ભિલોડા શહેરના નારસોલી ત્રણ રસ્તા પરથી પસાર થઇ રહ્યા હતા, જે દરમિયાન બે ગઠિયાઓએ તેમને અટકવી રેમડેસીવીર ઇન્જેક્શનની કાળા બજારીનું ચેકિંગ ચાલે છે, તેમ કહીને તેમનો પાસેનો થેલો તપાસવા લાગ્યા હતા. ધીરજને તમે ક્યાંથી આવો છો? કોને ત્યાં આવ્યા છો? તેવી વાતોમાં રાખીને થેલામાં વિવિધ પેકેટમાં રહેલા રૂપિા 10.89 લાખની 217.900 મિલીગ્રામ વજન ધરાવતી સોનાની વીંટી અને બુટ્ટીઓ તફડાવી લીધી હતી. વેપારીને બેગ પરત આપીને બન્ને ગઠિયાઓ રફુચક્કર થઇ ગયા હતા. થોડીવારમાં માલુમ થતા વેપારીએ પોતાનો થેલો તપાસતા સોનાના દાગીનાના પેકેટ ગુમ થયાની જાણ થતા હોશકોશ ઉડી ગયા હતા.
રેમડેસીવીરનું ચેંકિગ ચાલે છે, તેમ કહીને અમદાવાદના સોનીના થેલામાંથી 11 લાખ સોનાના દાગીનાની ચોરી
આ પણ વાંચો -બારડોલીમાં ત્રણ બંધ મકાનોને તસ્કરોએ નિશાન બનાવ્યું