અરવલ્લી LCB પોલીસ ઈન્સ્પેક્ટર જ દારૂકાંડના મુખ્ય સુત્રધાર નિકળ્યાં

અરવલ્લી જિલ્લા પોલીસતંત્રમાં ફરજ બજાવતા કેટલાક અધિકારીઓ અને પોલીસકર્મીઓ જ દારૂના ખેપીયા બની જતા જિલ્લા પોલીસ બેડામાં સન્નાટો છવાયો છે. LCBમાં ફરજ બજાવતા બે કોન્સ્ટેબલ કારમાં દારૂ ભરી વેપલો કરવા નીકળ્યા હતા. કાર પલ્ટી જતાં ગોરખધંધાનો સમગ્ર ભાંડો ફુટ્યો હતો. એટલુ જ નહિ LCB કચેરીમાં પણ ટ્રકમાંથી પકડાયેલ દારૂ મળી આવતા જિલ્લા પોલીસ વડા સંજય ખરાતે મોડાસા ટાઉન પોલીસને LCB PI આર. કે. પરમાર સહિત ૩ કોન્સટેબલ સામે પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથધરવાના આદેશ આપ્યા હતા.

• LCB PI આર. કે. પરમાર અને પોલીસકર્મી અતુલ સામે ગુનો નોંધાયો
• પ્રોહીબીશન એક્ટ હેઠળ ગુનો નોંધવામાં આવ્યો
• જિલ્લા પોલીસ વડાએ ટાઉન પોલીસને તપાસ સોંપી

અરવલ્લીઃદારૂની હેરાફેરી મામલે PI અને એક પોલીસ કર્મીની સંડોવણી બહાર આવી છે. શુક્રવારે બે પોલીસ કર્મીઓ અને એક વચોટીયો પક્ડાયેલ દારૂની ટ્રકમાંથી 1.25 લાખનો દારૂ કાઢી પોતાની કારમાં જતા હતા, ત્યારે એક જાગૃત નાગરીકને પીછો કરતા જોઇ ગભરાયેલા પોલીસ કર્મીએ સ્ટીયરીંગ પરથી કાબુ ગુમવાતા કાર પલ્ટી ગઈ હતી. ત્યાર બાદ પોલીસકર્મીઓ નાસી છુટયા હતા. જોકે થોડા કલાકો બાદ બન્ને આરોપી પોલીસ કર્મીઓ અને વચેટીયો પોલીસ સમક્ષ હાજર થયા હતા. જોકે આતો ફકત ટ્રેલર જ હતુ પીકચર હજુ બાકી હતું. આરોપી પોલીસકર્મીઓના ઝડપાયા બાદ દારૂકાંડના મુખ્ય સુત્રધાર પર ગાળીયો કસાયો હતો. LCB ઓફીસમાં જ સંતાડેલ દારૂની સાત જેટલી પેટીઓ મળી આવતા સમગ્ર પોલીસ બેડામાં હડકંપ મચ્યો હતો. જિલ્લા પોલીસ વડાએ ટાઉન પોલીસને તપાસ સોંપી LCB PI આર. કે. પરમાર અને પોલીસકર્મી અતુલ સામે આ અંગે ગુનો નોંધી કાર્યવાહી કરવાના આદેશ આપ્યા હતા.

પ્રોહીબીશન એક્ટ હેઠળ ગુન્હો નોંધવામાં આવ્યો

LCB ઓફીસમાં જ દારૂની પેટીઓ મળી

તાજેતરમાં જિલ્લા પોલીસે ભિલોડામાં વર્ષોથી બિન્દાસ્ત દારૂનો ધંધો કરતા કેટલાક બુટલેગરોની ઝડપી પાડાવાની ઝુંબેશ ચલાવી હતી. જેમાં પોલીસને આંશિક સફળતા મળી છે. જોકે જિલ્લા SP કચેરીની બાજુમાં આવેલ LCB ઓફીસમાં જ દારૂની પેટીઓ મળી આવતા કાખમાં છોકરુંને ગામમાં ઢંઢેરો જેવી હાલત થઇ છે. દારૂની હેરાફરી કરતા બે પોલીસ કર્મીઓ ઝડપાયા ત્યારથી ચર્ચાનો દોર શરૂ થયો હતો કે વાડ વિના વેલો ન ચડે અને થોડાક કલાકોમાં LCB PI આર. કે. પરમાર સામે ગુનો નોંધાતા આ કહેવત પણ સાર્થક થઇ તેવુ લાગી રહ્યું છે.

1

LCB PI છટકી ગયા

પોતાના પગ નીચે રેલો આવતો જોઇ LCB PI આર. કે. પરમાર રજા ઉપર ઉતરી છટકી ગયા છે. જોકે આજે નહિ તો કાલે તેમને હાજર થવુ પડશે ત્યારે જોવું રહ્યું કે ખાખીની આડ બુટલેગર બની ચુકેલ હજુ કેટલા પોલીસ કર્મીઓનો નામ ખુલે છે.

થોડા દિવસો પહેલા મેઘરજના પોલીસ પણ દારૂ મામલે સસ્પેન્ડ થયા હતા

અરવલ્લી જિલ્લામાં આતંરરાજ્ય સરહદો આવેલી હોવાથી રાજસ્થાનમાંથી મોટા પાયે દારૂ ઘુસાડવામાં આવે છે. જેના પગલે પોલીસ અધિકારીઓની બુટલેગરો સાથેની ભાઇબંધીની ઘટનાઓ કેટલીય વખત બહાર આવી છે ત્યારે બુટલેગર અને ખાખીની જુગલબંધી બહાર આવી છે. જેમાં મેઘરજ PSI એન. એમ સોલંકી અને બુલેગરની ઉત્તરાયણ પહેલાનો વાતચીતની ઓડિયો ક્લિપ વાયરલ થઈ હતી.