શામળાજી પોલીસે પિસ્તોલ સાથે બે આરોપીઓની ધરપકડ કરી

અરવલ્લીઃ શામળાજી પોલીસને ગેરકાયદેસર થતાં હથિયારોની હેરાફેરીની બાતમી મળી હતી. જેના આધારે પોલીસે ચેકિંગ કરતા રતનપુર ચેક પોસ્ટ પર રાજસ્થાનથી આવતી કારમાંથી પિસ્તોલ મળી હતી. જેને લઇને પોલીસે બંને આરોપીની ધરપકડ કરી હતી.

શામળાજી પોલીસ અને જિલ્લા SOG બાતમીના આધારે રતનપુર ચેકપોસ્ટ ખાતે વાહનોનું સઘન ચેકિંગ હાથ ધર્યુ હતું. જે દરમિયાન રાજસ્થાન તરફ્થી આવતી કારને અટકાવીને તપાસ હાથ ધરતા 'મેડ ઇન યુ.એસ.એ' લખેલ પિસ્તોલ મળી આવી હતી. જે બાદ આરોપીઓની તપાસ કરીને પોલીસે ગાડીમાં સવાર બન્ને આરોપીઓની ધરપકડ કરી હતી.

પોલીસે પીસ્તોલ 15 હજાર, કારના 2,00,000, મોબાઇલ 6000 અને રોકડા રૂપિયા 550 મળી કુલ 2,21,550 મુદામાલ ઝપ્ત કર્યો હતો, ત્યારબાદ આરોપીઓની ધરપકડ કરીને તેના વિરૂદ્ધ કાયદેસરની કાર્યવાહી હાથ ધરી હતી.