પડતર માંગણીઓને લઈ મહેસુલ કર્મચારીઓએ ધરણા યોજ્યા

અરવલ્લી: છેલ્લા ઘણા સમયથી પડતર માંગણીઓને લઇને સમગ્ર રાજ્યમાં મહેસુલ વિભાગના કર્મચારીઓ ફરી ઉગ્ર થયા છે. પોતાની વિવિધ 9 જેટલી પડતર માંગણીઓને લઈને રાજ્યવ્યાપી ધરણા કાર્યક્રમ અંતર્ગત અરવલ્લી જિલ્લાના મહેસુલ વિભાગના કર્મચારીઓએ જિલ્લા સેવા સદન ખાતે ધરણા કર્યા હતા.

જિલ્લા સેવા સદન ખાતે કર્મચારીઓએ માંગણીઓ પૂર્ણ કરવા સુત્રોચ્ચાર કર્યા હતા .કર્મચારીઓએ ચીમકી ઉચ્ચારી હતી કે જો આ માંગણીઓ સત્વરે પૂર્ણ કરવામાં નહીં આવે તો આગામી સમયમાં ઉગ્ર આંદોલન કરવામાં આવશે.