અરવલ્લીની હાથમતી નદીમાં રિટાયર્ડ સૈનિકનું ડુબી જવાથી મોત

અરવલ્લીઃ જિલ્લામાંથી પસાર થતી હાથમતી નદીમાં બુધરાસણ ગામના અને ભિલોડાના ગોવિંદનગર વિસ્તારમાં રહેતા નિવૃત સૈનિકનું ડૂબી જવાથી મોત થયું છે. આ સમગ્ર ઘટનાની જાણ થતાં ભિલોડા પોલીસ ઘટનાસ્થળે પહોંચી આગળ તપાસ હાથ ધરી છે.

અરવલ્લીના ભિલોડામાંથી પસાર થતી હાથમતી નદીમાં બુધરાસણ ગામના અને ભિલોડાના ગોવિંદનગર વિસ્તારમાં રહેતા નિવૃત સૈનિકનુ ડૂબી જવાથી મોત નિપજ્યુ હતું. જે અરવલ્લી જિલ્લામાં છેલ્લા 24 કલાકમાં ડુબી જવાથી મોતની આ બીજી ઘટના બની હતી. મનજીભાઇ પાંડોર ભિલોડામાંથી પસાર થતી હાથમતી નદીમાં નાહવા ગયા હતા. જોકે ઉંડા પાણીમાં ગરક થઇ જતા બચાવ માટે બુમો પાડી હતી. જેને લઇને આસપાસના લોકો બચાવે તે પહેલા જ પાણીમાં ગરકાવ થઈ ગયા હતા. આ ઘટના બાદ સ્થાનિક તરવૈયાઓ મૃતકના મૃતદેહને હાથમતી નદીમાંથી બહાર કાઢી પોર્સ્ટમોર્ટમ અર્થે સરકારી હોસ્પિટલ ખાતે ખસેડ્યો હતો. આ ઘટનાને લઇને પોલિસે આગળની કાયદેસરની કાર્યવાહી હાથ ધરી છે.