BSF જવાનના મોત મામલે પોલીસે આરોપીઓને ઝડપી પાડ્યા

અરવલ્લી જિલ્લાના ભિલોડાના તાલુકાના મલેકપુર ગામે ગત ગુરુવારે BSFમાં ફરજ બજાવતા રવિન્દ્ર ગામેતી નામના યુવાન અને તેના બે મિત્રો પર ગામના જ નવ શખ્શોએ ઘાતકી હુમલો કર્યો હતો. BSF જવાન રવિન્દ્ર ગામેતીના માથાના ભાગે ગંભીર ઈજાઓ પહોંચી હતી. જેનું સારવાર દરમિયાન મૃત્યુ થયું હતું.

ભિલોડા/અરવલ્લી: અરવલ્લી જિલ્લાના ભિલોડાના તાલુકાના મલેકપુર ગામે ગત ગુરુવારે BSFમાં ફરજ બજાવતા રવિન્દ્ર ગામેતી નામના યુવાન અને તેના બે મિત્રો પર ગામના જ નવ શખ્શોએ ઘાતકી હુમલો કર્યો હતો. BSF જવાન રવિન્દ્ર ગામેતીના માથાના ભાગે ગંભીર ઈજાઓ પહોંચી હતી. જેનું સારવાર દરમિયાન મૃત્યુ થયું હતું. મૃતકના પરિવારજનો અને સમાજના અગ્રણીઓ જવાનના મૃતદેહને લઈ ભિલોડા પોલીસ સ્ટેશને પહોંચ્યા હતા અને આરોપીઓની ધરપકડની માગ સાથે મૃતદેહ મુકી રાખ્યો હતો. જેના કારણે યુવાનનો મૃતદેહ 32 કલાક સુધી અંતિમ વિધિથી વંચિત રહ્યો હતો.

પોલીસના ઉચ્ચ અધિકારીઓએ મૃતકના પરિવારજનોને આરોપીઓને ઝડપી પાડવામાં આવશે તેવી હૈયાધારણા આપતા આખરે 32 કલાક પછી BSFના જવાનની સ્થાનિક પોલીસના ગાર્ડ ઓફ ઓનર સાથે અંતિમવિધિ કરવામાં આવી હતી.