અરવલ્લી: અયોધ્યા ખાતે ભગવાન શ્રીરામ મંદિર ભૂમિ પૂજન પવિત્ર ઉત્સવ ભારતભરમાં ઉજવાયો હતો. ત્યારે ગાયત્રી ચેતના કેન્દ્ર મોડાસા ખાતે ઘંટારવ તથા મંત્ર ધૂનનો નાદ સતત ગુંજતો રહ્યો, આ નિમિત્તે ગાયત્રી ચેતના કેન્દ્ર ખાતે તેમજ સૌ પરિજનો દ્વારા ઘેર ઘેર યજ્ઞમાં વિશેષ આહુતિ આપવામાં આવી હતી. સંધ્યા સમયે દિવડા પ્રગટાવી ચેતના કેન્દ્રને સજાવવામાં આવ્યું હતું.
અખિલ વિશ્વ ગાયત્રી પરિવારના પ્રમુખ ડૉ. પ્રણવ પંડ્યા અને વડાપ્રધાન દ્વારા ભારતભરમાં ઉજવણી કરવાના આહવાન પર મોડાસા તેમજ આસપાસના ગામોમાં સૌ ગાયત્રી ઉપાસકો દ્વારા પોતાના ઘરે પાંચ દિપક પ્રગટાવી મંત્રધૂન કરવામાં આવી હતી.