અરવલ્લી: દિવાળીની પૂર્વ સંધ્યાએ ફટકડાની ખરીદી કરવા ગ્રાહકો ઉમટ્યા

અરવલ્લી: કોરોનાને લઇ ફટાકડા બજારમાં થોડા દિવસો પહેલા બજારો સુમસામ હતી. જો કે, તહેવારના બે દિવસ પૂર્વે બજારમાં ગ્રાહકો ખરીદી કરતા જોવા મળી રહ્યા છે. સરકાર દ્વારા બહાર પડાવામાં આવેલા જાહેરનામા મુજબ રાજ્યમાં વિદેશથી ફટાકડા આયાત કરવા પર પ્રતિબંધ મૂકવામાં આવ્યો છે.

• અરવલ્લી જિલ્લામાં મોટી સંખ્યામાં લોકો ફટાકડાની ખરીદી કરવા ઉમટ્યા
• સરકારે વિદેશથી આયત કરેલા ફટાકડા પર પ્રતિબંધ મૂક્યો
• દુકાનોમાં દેશી ફટાકડા જ જોવા મળી રહ્યા છે

અરવલ્લી : દિવાળીને હવે ગણતરીના દિવસો બાકી રહ્યા છે, ત્યારે ધનતેરસની સંધ્યાએ અરવલ્લી જિલ્લામાં મોટી સંખ્યામાં લોકો ફટાકડાની ખરીદી કરવા ઉમટ્યા હતા. લોકો દિવાળી નિમિત્તે ખરીદી કરવા આવવાને કારણે વેપારીઓમાં ખુશી વ્યાપી હતી. આ સાથે જ વેપારીઓએ દિવાળી સારી જશે તેવી આશા પણ વ્યક્ત કરી હતી.

દિવાળીની પૂર્વ સંધ્યાએ ફટકડાની ખરીદી કરવા ગ્રાહકો ઉમટ્યા

વિદેશથી ફટાકડા આયાત કરવા પર પ્રતિબંધ

કોરોનાને લઇ ફટાકડા બજારમાં થોડા દિવસો પહેલા બજારો સુમસામ હતી. જો કે તહેવારના બે દિવસ પૂર્વે બજારમાં ગ્રાહકો ખરીદી કરતા જોવા મળી રહ્યા છે. સરકાર દ્વારા બહાર પડાવામાં આવેલા જાહેરનામા મુજબ રાજ્યમાં વિદેશથી ફટાકડા આયાત કરવા પર પ્રતિબંધ મૂકવામાં આવ્યો છે. જેના પગલે દુકાનોમાં દેશી ફટાકડા જ જોવા મળી રહ્યા છે.

છેલ્લી ઘડીની ખરીદી કરવા લોકો બજારોમાં ઉમટ્યા

કોરોના સંક્રમણને કારણે મોટા ભાગના ધંધા રોજગાર પર માઠી અસર પડી છે. જેમાં ફટાકડા વેપારીઓ પણ બાકાત નથી. થોડા દિવસો પહેલા ફટાકડાના વેપારમાં મંદી હતી, જેના કારણે વેપારીઓમાં નિરાશા હતી. જો કે, દિવાળીને બે જ દિવસ બાકી હોવાથી છેલ્લી ઘડીની ખરીદી કરવા લોકો બજારોમાં ઉમટી પડ્યા હતા.

વેપારીઓમાં પણ દેશી ફટાકડા વેચવાનો આગ્રહ

સરકારે વિદેશથી આયત કરેલા ફટાકડા પર પ્રતિબંધ મૂક્યો હોવાથી દુકાનોમાં ભારતીય બનાવટના ફટાકડા જોવા મળ્યા હતા. વેપારીઓ પણ હવે દેશી ફટાકડા વેચવાનો આગ્રહ રાખી રહ્યા છે.

શું લોકો સરકારની 8થી 10 કલાકવાળી ગાઇડલાઇનનું પાલન કરશે?

પ્રદુષણના પગલે સરકારે 8થી 10 કલાક સુધી જ ફટાકડા ફોડવાની પરવાનગી આપી છે. ત્યારે જોવુ રહ્યું કે, લોકો આ સૂચનાનું પાલન કરે છે કેમ?

આ પણ વાંચો -દિવાળીના તહેવારને લઈને ભિલોડા પોલીસે યોજ્યું ફૂટ પેટ્રોલીંગ

અરવલ્લીઃ દિવાળીના તહેવાર નીમિત્તે તકેદારીના ભાગરૂપે જિલ્લાના ભિલોડા નગરમાં ટાઉન પોલીસ દ્રારા ફૂટ પેટ્રોલિંગ કરવામાં આવ્યુ હતું. ભિલોડા નગરના સ્ટેશનથી મુખ્ય બજારોમાં કરવામાં આવેલ ફુટ પેટ્રોલીંગમાં ટાઉન PSI કે. કે. રાજપુત સહિત પોલીસની ટીમ જોડાઇ હતી. દિવાળીને લઇ ગામડાઓમાંથી ખરીદી કરવા લોકો આવતા હોવાથી ટ્રાફિક, કાયદો અને વ્યવસ્થા જળવાય તે માટેે ફુટ પેટ્રોલીંગ કરવામાં આવ્યુ હતું. આ ઉપરાંત તહેવારો દરમિયાન પ્રજાને સુરક્ષા અંગેનો વિશ્વાસ આપવાનો પ્રયાસ કરવામાં આવ્યો હતો.