અરવલ્લીમાં સરકારી કર્મચારીઓએ પોસ્ટલ બેલેટથી મતદાન કર્યું

અરવલ્લીઃ ભારતના ચૂંટણી પંચના નિદર્શન અનુસાર આગામી ૨૩ એપ્રિલ 2019ના મતદાન યોજાનાર છે. ત્યારે સરહદ પર ફરજ બજાવતા જવાનોની ઓનલાઈન મતપત્ર મોકલવાની પ્રક્રિયા પૂર્ણ થયા બાદ જિલ્લામાં વિવિધ જગ્યાએ ફરજ બજાવતા 2,771 સરકારી કર્મચારીઓએ શનિવારે પોસ્ટલ બેલેટથી મતદાન યોજવામાં આવ્યું હતું.

અરવલ્લીના મોડાસા સ્થિત સરકારી ઈજનેર કોલેજ ખાતે સવારે સાતથી સાંજના છ કલાક દરમિયાન યોજાનાર પોસ્ટલ બેલેટ મતદાનમાં પોલીસના 738, હોમગાર્ડના 1427, એસ.ટી નિગમના 108 ડ્રાઇવર અને કંડકટર, એસ.આર.પી અને ગ્રામ રક્ષક દળના 498 મળી કુલ 2771 મતદારો મતાધિકારનો ઉપયોગ કરશે.

તે ઉપરાંત હિંમતનગરના 42 ઈડરના ચાર, ખેડબ્રહ્મા 21, ભિલોડાના 957, મોડાસાના 753, બાયડના 959 અને પ્રાંતિજના 35 મળી કુલ ૨૭૭૧ મતદારો સરકારી ઈજનેરી કોલેજ ખાતે સુવિધા કેન્દ્રમાં ખાસ ઊભા કરવામાં આવેલ સાત મતદાન મથકો ખાતે પોતાનો મતાધિકારનો ઉપયોગ કર્યો હતો.