આ પ્રસંગે કલેકટરએ પ્રાસંગિક પ્રવચનમાં જણાવ્યુ હતુ કે, આવી રમતોથી ખેલાડીઓમાં રહેલી સુષુપ્ત શકિતઓને બહાર લાવવાનુ કામ કરે છે. રસ્સાખેંચ તમામ વયજુથના ભાઇઓ અને બહેનોની સ્પર્ધા હોઇ દરેકને પોતાના જીવનમાં કંઇક નવુ શિખવાની પ્રેરણા મળે છે. આવી પ્રેરણા મેળવી આગળ પ્રગતિ કરવા ખેલાડીઓને શુભેચ્છાઓ આપી હતી.આ પ્રસંગે જિલ્લા કલેકટરે શાળાના પટાંગણમાં વૃક્ષારોપણ પણ કર્યુ હતુ.
શામળાજી ખાતે અમદાવાદ કક્ષાનો ખેલ મહાકુંભ-૨૦૧૯નો પ્રારંભ આ રમોતાત્સવમાં અંડર-૧૭, ઓપન એજ અબાઉ ૪૦-૬૦ વયના તમામ વયજુથના ભાઇઓ અને બહેનોની સ્પર્ધામાં ભાગ લીધો હતો. પ્રથમ અંડર-૧૭ વયની બહેનો અરવલ્લી અને પાટણની ટીમ વચ્ચે રસ્સા ખેંચની સ્પર્ધા યોજઇ હતી. જેમાં પાટણની ટીમ વિજેતા બની હતી. આ ઝોનમાં અમદાવાદ શહેર, અમદાવાદ ગ્રામ્ય, ગાંધીનગર શહેર, ગાંધીનગર ગ્રામ્ય, પાટણ, મહેસાણા, સાબરકાંઠા, બનાસકાંઠા અને અરવલ્લી જિલ્લાના આઠ જિલ્લાના તમામ વયજુથના ભાઇઓ અને બહેનોએ સ્પર્ધામાં ભાગ લીધો હતો. આ પ્રસંગે અરવલ્લી જિલ્લા રમત ગમત અધિકારી મતિ હર્ષાબેન ઠાકોર , રમત-ગમત વિભાગના કર્મચારીઓ ખેલાડીઓ વિગેરે ઉપસ્થિત રહયા હતા.
