બાયડમાં પ્રેમ લગ્ન કરનાર યુગલ પર યુવતીના પરિજનોએ કર્યો ઘાતકી હુમલો

અરવલ્લીઃ જિલ્લાના બાયડ તાલુકાના ચોઈલા ગામે એક પ્રેમી યુગલને પ્રેમ કરવો ભારે પડી ગયો હતો. યુવકને ગામની જ એક યુવતી સાથે પ્રેમ થયો પરંતુ એક જ સમાજના હોવાથી પરિવારના ડરના કારણે તેઓએ ભાગીને પ્રેમ લગ્ન કર્યા હતા. જોકે યુગલ જ્યારે ગામમાં પરત ફર્યુ ત્યારે યુવતીના પરિવાજનોએ અદાવત રાખી યુગલને માર માર્યો હતો. આ ઘટનાની જાણ બાયડ પોલીસને થતા પોલીસ ઘટનાસ્થળે પહોંચી હતી.

ચોઈલા ગામના યુવકે ગામની જ યુવતી સાથે પ્રેમ થયો હતો. પરતું આ બન્નેને તેમના પરિવારજનોનો ડર હતો તેથી તેઓએ ભાગીને પ્રેમ લગ્ન કરી લીધા હતી. યુવક જગદીશ ભાઈ સોલંકીએ ગામની નિકિતા નામની યુવતી સાથે પ્રેમ લગ્ન કર્યા હતા. જોકે યુવતીના પરિવાજનોને આ કબુલ ન હોવાથી યુવક-યુવતી એક વર્ષ પછી યુવકના ઘરે પરત ફરતા હતા. જ્યા યુવતીના પરિવારજનો અને સગા-સંબંધીઓને જાણ થતા મધ્ય રાત્રીએ હલ્લાબોલ કરી યુવકના ઘરમાં તોડફોડ કરી બન્નેને માર મારવામાં આવ્યો હતો. જોકે પોલીસે યુવતીને પરત તેના પતિના ઘરે સોંપી હતી.

બાયડ પોલીસે પ્રેમી યુવક-યુવતી પર હુમલો કરનાર વિરુદ્ધ કાયદેસરની કાર્યવાહી હાથ ધરી હતી.