મોડાસા રૂરલ પોલીસ સ્ટેશનમાં નોંધાયેલી ફરિયાદના આધારે અરવલ્લી પોલીસે હસમુખ સક્સેનાને તડીપાર કરવા દરખાસ્ત આવી હતી. મોડાસા પ્રાંત અધિકારીએ નોટિસ ફટકારી બચાવ કરવા માટે આધાર પુરાવા રજૂ કરવા જાણ કરી 19 તારીખે હાજર થવા તાકીદ કરી હતી. અનુસૂચિત જાતિના હસમુખ સક્સેના હાજર રહ્યા હતા, જોકે ફરિયાદી પક્ષે પોલીસ ગેરહાજર રહેતા આગામી 3 ઓક્ટોબર સુધી મુદત આપી છે.
પોલીસ પર હુમલાના કેસમાં હસમુખ સક્સેના મોડાસા કૉર્ટમાં થયા હાજર અનુસૂચિત જાતિ અગ્રણી હસમુખ સકસેનાને તડીપારની નોટીસના પગલે સબ ડિવિઝનલ મેજિસ્ટ્રેટ મોડાસાની કોર્ટમાં હાજર થવા પહોંચતાં મોટી સંખ્યામાં અમદાવાદ, ગાંધીનગર, અરવલ્લી, સાબરકાંઠા સહિતના જિલ્લાઓમાંથી અનુ.જાતિ સમાજના અગ્રણીઓ અને યુવકો ઉપસ્થિત રહ્યા હતા.
હસમુખ સકસેના તેમના વકીલ સાથે નામદાર કોર્ટમાં SDM સમક્ષ ઉપસ્થિત રહ્યા હતા. SDMએ તેમની રજૂઆત સાંભળી 3 ઓક્ટોબરની મુદ્દત આપી છે. ફરિયાદી પક્ષે અરવલ્લી જિલ્લા પોલીસ વડા ગેરહાજર રહેતા તેની નોંધ લેવાઈ હતી.
