અરવલ્લીમાં બુલેટ ટ્રેનનો વિરોધ, કોંગ્રેસના ધારાસભ્યની આગેવાનીમાં કલેક્ટરનેે આવેદન આપ્યું

અમદાવાદ- દિલ્હી બુલેટ ટ્રેન (Ahmedabad- Delhi bullet train) પ્રોજેક્ટ અંતર્ગત અરવલ્લી જિલ્લાના 19 જેટલા ગામ બુલેટ ટ્રેન સુચિત માર્ગમાં આવતા હોવાથી ડ્રોન અને હેલિકૉપ્ટરથી સર્વેની કામગીરી હાથ ધરવામાં આવી રહી છે. જેથી ભિલોડા તાલુકાના ખેડૂતોને જમીન અને મકાન ગુમાવવા પડે તેમ હોવાથી ચીંતિત બન્યા છે. આ અંગે ભિલોડાના ધારાસભ્ય ડો.અનીલ જોષીયારાની આગેવાની હેઠળ જિલ્લા કલેક્ટરને આવેદનપત્ર આપી ન્યાયની માગ કરી હતી.

• અરવલ્લીમાં બુલેટ ટ્રેનનો વિરોધ
• ભિલોડાના 19 જેટલા ગામડાઓમાં ડ્રોન અને હેલિકૉપ્ટરથી સર્વેની કામગીરી હાથ ધરાઈ
• ભિલોડાના ધારાસભ્ય ડો.અનીલ જોષીયારાએ કલેક્ટરને આવેદનપત્ર આપ્યું

અરવલ્લી: અમદાવાદ- દિલ્હી બુલેટ ટ્રેન (Ahmedabad- Delhi bullet train) પ્રોજેક્ટનો સુચિત માર્ગ સાબરકાંઠા અને અરવલ્લી જિલ્લામાંથી પસાર થઇ રહ્યો છે. છેલ્લા બે દિવસથી અરવલ્લી જિલ્લાના ભિલોડાના 19 જેટલા ગામડાઓમાં ડ્રોન અને હેલિકૉપ્ટરથી સર્વેની કામગીરી હાથ ધરવામાં આવી રહી હોવાથી આ પંથકના ખેડૂતો ચીતિંત બન્યા છે. જેથી આ અંગે ભિલોડાના ધારાસભ્ય ડો. અનીલ જોષીયારા અને બુલેટ ટ્રેન રૂટ પર આવતા ગ્રામ્ય વિસ્તારના ખેડૂતોએ જિલ્લા કલેક્ટરને આવેદનપત્ર આપ્યુ હતું. જેમાં જણાવ્યું હતું કે, બુલેટ ટ્રેન પસાર થવાથી ખેડૂતો જમીન અને મકાન વિહોણા બનશે અને ખેતી આધારિત જીવનનિર્વાહ ચલાવતા ખેડૂતોની હાલત કફોડી બનશે.

આ પણ વાંચો: બુલેટ ટ્રેન માટે તૈયાર લેબમાં દેશના એન્જિનિયરિંગના છાત્રો મેળવી શકશે તાલીમ

રૂટ નહીં બદલાય તો આગામી સમયમાં ગાંધી ચિંધ્યા માર્ગે આંદોલનની ચીમકી

આવેદન પત્રમાં જો બુલેટ ટ્રેન (Bullet train) નો રૂટ નહીં બદલાય તો આગામી સમયમાં ગાંધી ચિંધ્યા માર્ગે આંદોલનની ચીમકી ઉચ્ચારવામાં આવી હતી. જિલ્લા કલેક્ટર કચેરીમાં મોટી સંખ્યામાં ખેડૂતો ઉમટી બુલેટ ટ્રેન રૂટનો ઉગ્ર વિરોધ કર્યો હતો. બુલેટ ટ્રેન એક ભારત સરકારનો મેગા પ્રોજેક્ટ છે, જેમાં 1 લાખ કરોડનો ખર્ચ થવાનો અંદાજ છે. પ્રસ્તાવિત ટ્રેક ઉત્તર ગુજરાતનો પ્રથમ હાઈ સ્પીડ ટ્રેક બનવા જઇ રહ્યો છે. વર્ષ 2021 થી 2031 દરમિયાન અમદાવાદ - હિંમતનગર - ઉદેપુર - જયપુર - દિલ્હી રૂટ પર બુલેટ ટ્રેન દોડાવવાનું આયોજન કરવામાં આવ્યુ છે.

આ પણ વાંચો: Bullet Train Project મામલે 318 લોકો ગુજરાત હાઈકોર્ટની શરણે, સ્થાનિકોએ પુનર્વસનની માગ કરતી અરજી કરી દાખલ