ભિલોડાના નાપડા ગામના વજાભાઈ ભરતભાઈ વણઝારાએ વ્યાજખોરોના ત્રાસથી ઝેરી દવા પી આત્મહત્યા કરી લીધી હતી. બાદમાં પરીવારજનોએ આ બનાવની જાણ શામળાજી પોલીસને કરી હતી. પરંતુ પોલીસે વ્યાજખોરો સામે ફરિયાદ નોંધવાની આનાકાની કરી હતી.
ખેડૂતને આત્મહત્યા કરવા મજબૂર કરનાર વ્યાજખોરને પોલીસ છવારતી હોવાનો આક્ષેપ ખેડૂતના પરિવારજનો અને સગાસંબંધીઓએ ખેડૂતના મૃતદેહને લેવાનો ઇન્કાર કરતાં આખરે શામળાજી પોલીસે ફરિયાદ નોંધી હતી. જો કે, પરિવારજનોએ આક્ષેપ કર્યો હતો કે, શામળાજી પોલીસ તપાસમાં ઢીલ કરી રહી છે. ત્યારબાદ આત્મહત્યા કરનાર ખેડૂતના પરિવારજનો અને ગ્રામજનોએ જિલ્લા પોલીસ વડાની કચેરી ખાતે પહોંચી ન્યાયની માંગ કરી હતી.
