અરવલ્લીઃ જિલ્લા સેવા સદન અને SP કચેરી સામે આવેલ સનરાઇઝ હોસ્ટેલના રેકટરને કેટલાક અસામજીક તત્વો દ્રારા માર મારવામાં આવ્યાની ઘટનાના ધેરા પ્રત્યાઘાત પડ્યા છે. આ અંગે જિલ્લા કોંગ્રેસે અરવલ્લી જિલ્લા DSPને DYSP મારફતે આવેદનપત્ર આપ્યુ હતું.
મોડાસામાં હોસ્ટેલના રેક્ટરને માર મારવાની ઘટના મુદ્દે કોંગ્રેસે DSPને આપ્યું આવેદનપત્ર આ અગાઉ આરોપીઓની ધરપકડ ન થઇ હોવાથી કચ્છી પટેલ સમાજે રેલી સ્વરૂપે કલેક્ટર કચેરી પહોંચી ધરણા કર્યા હતા અને ત્યારબાદ આવેદનપત્ર આપ્યુ હતું. એટલું જ નહીં કલેક્ટર પાસેથી આરોપીઓની ધરપકડ કરવા માટે ત્યરીત કાર્યવાહી કરવામાં આવશે, તેવું આશ્વશન પણ લેવામાં આવ્યું હતું. જો કે, હજુ સુધી આરોપીઓની ધરપકડ ન થતાં અરવલ્લી જિલ્લા કચ્છી પટેલ સમાજમાં રોષ ફેલાયો છે.
