અરવલ્લી LCBએ હત્યાના આરોપી અને બુટલેગર સુકા ડુંડને ઝડપી લીધો

અરવલ્લી જિલ્લામાં બુટલેગર માથાભારે બન્યા છે, જેમાં ભિલોડા તાલુકાના ડોડીસરા ગામના સુકો ડુંડે પણ પોલીસ પર અવારનવાર હુમલા કર્યા છે . આ કુખ્યાત અને માથાભારે બુટલેગર અને તેના સાગરીતો પર એક તાંત્રીક ની હત્યા નો આરોપ છે . આ સંદર્ભે અગાઉ અરવલ્લી પોલીસે હત્યાના ગુન્હામાં તેની બે પત્નીઓની ધરપકડ કરી હતી જોકે ઘટનાનના ચાર મહિના સુધી સુકો પોલીસ પકડથી દૂર હતો . એલસીબી પોલીસે બાતમી ના આધારે વોચ ગોઠવી સુકા ડુંડની ધરપકડ કરી હતી

• અરવલ્લી LCBએ બુટલેગર સુકા ડુંડને ઝડપી લીધો
• ભિલોડા પંથકમાં નામચીન બુટલેગર છે સુકો ડુંડ
• અપહરણ અને હત્યાના કુલ 23 ગુનામાં સુકો ડુંડની સંડોવણી

અરવલ્લી : જિલ્લાના ભિલોડા પંથકમાં નામચીન બુટલેગર સુકો ડુંડ છેલ્લા કેટલાક સમયથી પોલીસને હંફાવી રહ્યો હતો. અપહરણ અને હત્યાના ગુનામાં સંડોવાયેલા કુખ્યાત બુટલેગર સુકા ડુંડ અને તેના સાગરીતોને ઝડપી લેવા પોલીસ સતત સક્રિય હતી. પોલીસે હત્યાના આરોપમાં સંડોવાયેલા તેના સાગરીતોની ધરપકડ કરી હતી, તેમ છતાં સુકો પોલીસની પકડથી દૂર હતો. જિલ્લા પોલીસ તંત્રએ સુકાને ઝડપી લેવા બાતમીદારોને સક્રિય કરતા આખરે સુકો ડુંડ તેના ઘરે અને આજુબાજુ વિસ્તારમાં ફરતો હોવાની માહિતી મળી હતી. જેના આધારે પોલીસે વોચ ગોઠવી હતી. બાતમીના આધારે ગામના રોડ નજીક આવેલા ઝાડી-ઝાંખરામાંથી સુકા ડુંડને દબોચી લેવામાં આવ્યો હતો.

23 ગુનામાં સંડોવાયેલો છે સુકો ડુંડ

પોલીસ પર હુમલો કરવાથી ટેવવાયેલો સુકો આખરે પોલીસના સકંજામાં આવી ગયો છે. સુકો 23 જેટલા ગુનામાં આરોપી છે. જો કે, હજૂ હત્યાના ગુનાના બે સાથી આરોપી પકડવાના બાકી છે. જે હવે ઝડપાઇ જશે, તેમ અરવલ્લી પોલીસે જણાવ્યુ હતું.

આ પણ વાંચો -ભિલોડામાં અપહરણ અને ખુનના કેસમાં બુટલેગરના બે સાગરીતો ઝડપાયા

શું હતો મામલો?

અરવલ્લી જિલ્લાના ભિલોડા શામળપુરના રહેવાસી કડવા ગામેતીનું પાંચ શક્સો દ્વારા ગડદાપાટુનો માર મારી તેમજ ઇલેકટ્રીક કરંટ આપી મોત નિમજવાતા ચકચાર મચી હતી. આ અંગે પોલીસે તાપસ હાથ ધરતા પોલીસે નોંધેલી ફરિયાદ મુજબ શામળપુરના રહેવાસી કડવા ગામેતીને વિધિ કરવાના બહાને 5 શક્સો ગાડીમાં જબરજસ્તી બેસાડીને ડોડીસરા ગામે લાવ્યા હતા. જ્યાં મૃતકને લાકડીઓથી માર મારવામાં આવ્યો હતો, તેમજ સ્વીચ બોર્ડના જીવંત વાયરથી ઇલેટ્રિક શોક આપીને મોતને ઘાટ ઉતારવામાં આવ્યો હતો. મૃતકના પરિવારને ઘટનાની જાણ તેમના માથે જાણે આભ ફાટ્યુ હતું.

અપહરણ અને હત્યાના કુલ 23 ગુનામાં સુકો ડુંડની સંડોવણી

સુકાની બે પત્નીઓ સહિત ચાર આરોપીઓ ઝડપાયા હતા

મૃતકના પરિવારજનોની ફરિયાદના આધારે ભિલોડા પોલીસે 6 હત્યારાઓ સામે ગુનો નોંધી ઝડપી લેવા ચક્રોગતિમાન કર્યા હતા. અરવલ્લી પોલીસે હત્યાના ગુનામાં સુકા ડુંડની બે પત્નીઓની ધરપકડ કરી હત્યામાં વપરાયેલા વાહન કબ્જે લીધા હતા. એક મહિના બાદ બુટલગરના અંગત અને ખાસ સાગરિત એવા હત્યામાં સંડોવાયેલ બહાદુર ઉર્ફે રામપ્રકાશ ડુંડને અમદાવાદના જેતલસર વિસ્તારમાંથી બહેનના ઘેરથી પેરોલ ફર્લો ટીમે ઝડપી લીધો હતો, તો બીજી તરફ ભિલોડા પોલીસે ગુનામાં શામેલ પરેશ ઉર્ફે પરો રામજી ડુંડ જેશીંગપુર ગામે આવ્યો હોવાની બાતમી મળતા દબોચી લીધો હતો.

આ પણ વાંચો -અરવલ્લી પોલીસે જામનગરથી સગીરાનું અપહરણ કરનારની ધરપકડ કરી

કઇ કઇ કલમ હેઠળ નોંધાયો ગુનો

ભિલોડા પોલીસે કલ્પેશકુમાર નવજીભાઈ બરંડાની ફરિયાદના આધારે સુકો ઉર્ફે ભંવરલાલ બાબુભાઇ ડુંડ, તેની મોટી પત્ની, રામ પ્રકાશભાઈ ડુંડ, સમીર ડુંડ અને અન્ય બે અજાણ્યા સખ્શો સામે IPC(ઇન્ડિયન પિનલ કોડ) કલમ 323, 324, 302, 307, 364, 504, 506 (2), 120 તેમજ જીપી એક્ટ હેઠળ ગુનો નોંધી કાયદેસરની કાર્યવાહી હાથ ધરી હત્યારાઓને ઝડપી લેવા ચક્રો ગતિમાન કર્યા હતા.

આ પહેલા બે સાગરીતોની ધરપકડ કરાઇ હતી

ઉલ્લેખનીય છે કે, અરવલ્લી જિલ્લાના ભિલોડાના ડોડીસરા ગામમાં એક માસ અગાઉ એક વ્યક્તિની 5 સખ્શો દ્વારા અપહરણ કરી વીજ કરંટ આપી હત્યા કરવામાં આવતા ચકચાર મચી હતી. આ અંગે પોલીસે ફરિયાદ નોંધતા પોલીસે તપાસ હાથ ધરી હતી. જેમાં મુખ્ય આરોપી બુટલેગર સુકા ડુંડના બે સાગરીતોની ધરપકડ કરવામાં આવી છે.