મોડાસામાં ફોર લેન રોડની આસપાસ પાર્કિંગની સુવિધા માટે લોકોએ આવેદનપત્ર

અરવલ્લી: જિલ્લાના મોડાસામાં વિકાસલક્ષી કાર્યો થઈ રહ્યા છે. જેમાં મોડાસા ચાર રસ્તા, માલપુર રોડ, સહયોગ ચોકડી અને મેઘરજ રોડ બાયપાસ ચોકડી સુધીનો, કોલેજ રોડ અને જિલ્લા સેવા સદન સુધીના માર્ગને ફોરલેન બનાવવાની કામગીરી હાથ ધરવામાં આવી છે. જો કે, નગરમાં પાર્કિગની સમસ્યા છે ત્યારે ફોરલેનની બાજુમાં સરકારી જમીનમાં પાર્કિગની જગ્યાની પણ જોગવાઇ કરવામાં આવે તેવી માંગ ઉઠી છે.

મારૂતિ વિકાસ મંડળ દ્વારા ફોરલેનની આજુબાજુ આવેલી સરકારી જમીનમાં ફોર વ્હીલર અને ટુ વ્હીલર માટે જાહેર પાર્કિંગ બનાવવા માટે સહીત સુવિધાઓની માંગ સાથે માર્ગ અને મકાન વિભાગના કાર્યપાલક ઈજનેર મોડાસાને આવેદનપત્ર આપી રજૂઆત કરી હતી. મોડાસા મારૂતિ વિકાસ મંડળના નિલેશભાઈ જોશી, નવનીત પરીખ, અશોક મામા અને ચીમન પટેલ સહિતના હોદ્દેદારોએ બુધવારે મોડાસા માર્ગ અને મકાન વિભાગના ઇજનેરને આવેદનપત્ર પાઠવ્યું હતું.