અરવલ્લીઃ આદિજાતિ વિકાસ કમિશ્નરની કચેરી ગાંધીનગર અને પ્રાયોજન વહીવટદાર અરવલ્લીના સંયુકત ઉપક્રમે ભિલોડાના શામળપુર ખાતે આદિજાતિ વિકાસ કમિશ્નર દિલીપકુમાર રાણાના અધ્યક્ષ સ્થાને આદિજાતિ જન વિકાસ ઝુંબેશનો કાર્યક્રમ યોજાયો હતો.
આ પ્રસંગ કલેકટર અમૃતેશ ઔરંગાબાદકરે જણાવ્યુ હતું કે, આ આદિજાતિ જન વિકાસ ઝુંબેશથી લોકોને માહિતી મળી રહેશે અને તેનો લાભ ટુંક સમયમાં મળતો થશે. આ પ્રસંગે ભિલોડા-મેઘરજના ધારાસભ્ય ડૉ. અનિલ જોષીયારાએ જણાવ્યું હતું કે, આદિજાતિ વિભાગ દ્વારા આદિજાતિ જન વિકાસની ઝુંબેશ કાર્યક્રમ યોજવામાં આવ્યો છે. જેનાથી સરપંચો અને લોકો આદિજાતિ વિભાગની અમલીત વિવિધ યોજનાની જાણકારી મેળવી બાકી લાભાર્થીઓને લાભ આપવા સહયોગી બનશે એવી આશા વ્યકત કરી હતી.
