ભિલોડામાં 2 વર્ષના બાળકનું બંધ કારમાં ગૂંગળાઈ જવાથી મોત

ભિલોડા તાલુકાના બુઢેલી ગામે બે વર્ષીય માસુમ બાળક રમતા-રમતા ઘર આગળ પડેલી કારમાં પુરાઈ જતા ગૂંગળાઈ ગયુ હતું. તેને બહાર કાઢી તાત્કાલિક હોસ્પિટલમાં લઈ જવામાં આવ્યો હતો. જો કે, તેને તપાસીને ફરજ પરના ડૉક્ટરોએ તેને મૃત જાહેર કર્યો હતો.

અરવલ્લીઃ ભિલોડા તાલુકાના બુઢેલી ગામે બે વર્ષીય માસુમ બાળક રમતા-રમતા ઘર આગળ પડેલી કારમાં પુરાઈ જતા ગૂંગળાઈ ગયુ હતું.બાળક કારમાં બેભાન હાલતમાં જોવા મળતા જ માતા-પિતા તાત્કાલીક સારવાર માટે હોસ્પિટલમાં લઇ ગયા હતા જો કે, ફરજ પરના તબીબે મૃત ઘોષિત કરતા પરિવારજનોમાં ભારે ગમગીન છવાઇ હતી.

ભિલોડામાં 2 વર્ષના બાળકનું બંધ કારમાં ગૂંગળાઈ જવાથી મોત

મળતી માહિતી મુજબ ભિલોડાના બુઢેલીમાં સુથારીકામ કરતા પ્રકાશભાઈ પંચાલનો 2 વર્ષીય વેદ નામનો પુત્ર બુધવારે બપોરે ઘર બહાર રમવા ગયો હતો . થોડાક સમય બાદ બાળક પરત ન ફરતા માતા પિતા ચીંતત બન્યા હતા. બન્નેએ શોધ ખોળ આદરી ત્યારે ઘર આગળ પાર્ક કરેલી કારમાં બાળક બેભાન અવસ્થામાં મળી આવ્યુ હતું. તેને બહાર કાઢી તાત્કાલિક હોસ્પિટલમાં લઈ જવામાં આવ્યો હતો. જો કે, તેને તપાસીને ફરજ પરના ડૉક્ટરોએ તેને મૃત જાહેર કર્યો હતો.

એવુ અનુમાન લગાવામાં આવ્યુ છે. બાળક કારમાં એકવાર જતા રહ્યા પછી કારના દરવાજા ઓટમેટીક બંધ થઇ ગયા અને દરવાજો કઈ રીતે ખોલવો તેની ખબર ન પડતાં તે ગાડીની અંદર જ પૂરાઈ ગયો હતો. આ સમય દરમિયાન કોઇ એ તેને જોયો નહિ અને આકરી ગરમીમાં કારની અંદર ગૂંગળાઈ જવાના કારણે તેનું કરુણ મોત થયું છે.