પોલીસને ખોટી માહિતી આપવા બદલ રીક્ષા ચાલકની અટકાયત

આણંદનો એક અજીબો ગરીબ ઘટના સામે આવી છે. નકલી નામ અને અધિકારીઓના નામનો ઉપયોગ કરી પોલીસને ખોટી માહિતી આપીને મહિલા પોલીસ સાથે અસભ્ય વર્તન કરા શખ્સ સામે ગુનો નોંધી આરોપીની અટકાયત કરીને કાયદેશર કાર્યવાહી હાથ ધરી છે.

• રીક્ષા ચાલકે પોલીસ મથેકે ફોન કરી આપી ખોટી માહિતી
• dysp રાઠોડ અને PI નકુમ નામે જમાવ્યો રોફ
• મહિલા pso એ નોંધાવી ફરિયાદ

આણંદઃ શહેરમાં વિદ્યાનગર પોલીસ મથકે એક અજીબોગરીબ કિસ્સો પ્રકાશમાં આવ્યો છે. જ્યાં કોઈ એક શખ્સ દ્વારા વિદ્યાનગર કંટ્રોલમાં ફોન કરી એક વ્યક્તિને ઘરે ગાંજોનો મોટો જથ્થો હોવાની જાણ કરી પોલીસ તાત્કાલિક ધોરણે કાર્યવાહી કરવા જણાવવામાં આવ્યું હતું, જે અંગે વરધીના આધારે વિદ્યાનગર પોલીસે કાર્યવાહી કરી ઉલ્લેખ વાળી જગ્યાએ વિધિવત રેડ કરી તાપસ કરતા માહિતી ખોટી હોવાનું સપાટી પર આવ્યું હતું. જે અંગે વિદ્યાનગર પોલીસે ખોટો ફોન કરનારા શખ્સ સામે ગુનો નોંધી કાયદેસર કાર્યવાહી હાથધરી છે.

પોલીસને ખોટી માહિતી આપવા બદલ રીક્ષા ચાલકની અટકાયત

આ પણ વાંચોઃઆણંદ LCBએ લાખોના દારૂ ભરેલા ટેમ્પો સાથે 2 શખ્સોને ઝડપી પાડ્યા

આવેલા ફોન નંબરના આધારે તાપસ કરતા ચોંકાવનારી વિગતો બહાર આવી

પ્રાપ્ત માહિતી મુજબ 27 જૂનના દિવસે વિદ્યાનગર પોલીસ મથકે કંટ્રોલના નંબર પર કોઈ અજાણી વ્યક્તિએ ફોન કરી, પોતે dysp રાઠોડ બોલું છું, તેમ જણાવી વિદ્યાનગરના હરિઓમ નગરમાં રહેતા નટુભાઈ ભાજીયાવાળાના ઘરે ત્રણ કિલો ચરસનો મોટો જથ્થો રાખેલો છે તેમ જણાવી તાત્કાલિક ધોરણે કાર્યવાહી કરવા જણાવ્યું હતું, dysp રાઠોડ તરીકે પોલિસ કંટ્રોલના નંબર પર રોફ મારતા પોલીસે તાત્કાલિક વિધિવત રીતે ઉલ્લેખ વાળી જગ્યાએ રેડ કરી ઝીણવટથી તાપસ કરી હતી પરંતુ કોઈ અવેધ ગતિવિધિ ધ્યાને આવી ન હતી. તે દરમિયાન વિદ્યાનગર કંટ્રોલના આ વ્યક્તિએ ફરી ફોન કરીને પોલીસ ઇન્સપેક્ટર નકુમના નામે કંટ્રોલ પર ફરજ બજાવતા મહિલા પોલીસ કર્મચારી સાથે અસભ્ય ભાષામાં વાત કરી અપશબ્દો બોલતા મહિલા પોલીસ દ્વારા ઉચ્ચ અધિકારીઓને ઘટના અંગે અવગત કરતા પોલીસ દ્વારા શકને આધારે તાપસ હાથ ધરી હતી. જેમાં કોઈ અધિકારી દ્વારા આ પ્રકારની કામગીરી કરવામાં આવી છે કે, તેમ અને આવેલા ફોન નંબરના આધારે તાપસ કરતા ચોંકાવનારી વિગતો બહાર આવી હતી.

ખોટી ઓળખ આપતા શખ્સની કરાઇ ધરપકડ

વિદ્યાનગર પોલીસને અવાર-નવાર આવેલા ફોન અને સામે અધિકારી તરીકે ઓળખ આપનારા શખ્સના વર્તન અંગે મહિલા પોલીસ કર્મચારીની ફરિયાદને આધારે વિદ્યાનગર પોલીસે ગુનો દાખલ કરી તાપસ કરતા આવેલા ફોન અમદાવાદમાં રહેતા અને રીક્ષા ચલાવી ગુજરાન ચલાવતા અશ્વિનો હોવાથી અટકાયત કરી પૂછપરછ કરતા તે 5 વર્ષ પહેલાં વિદ્યાનગર નટુની પડોશમાં રહેતા હતો અને તે સમયે થયેલા ઝગડાની રિસ રાખીને તેને હેરાન કરવા માટે આ પ્રકારનું કૃત્ય કર્યું હોવાનું જણાવ્યું હતું.

આ પણ વાંચોઃઆણંદથી ચોરાયેલાં સાઈલેન્સર પાટણમાં વેચાતા

ખોટો ઓળખ આપનારા વિરુદ્ધમાં ગુનો દાખલ કરી કાર્યવાહી

વિદ્યાનગર પોલીસ દ્વારા નકલી નામ અને અધિકારીઓના નામનો ઉપયોગ કરી પોલીસને ખોટી માહિતી આપીને મહિલા પોલીસ સાથે અસભ્ય વર્તન કરવાનો ગુનો નોંધી ને આરોપીની અટકાયત કરીને કાયદેશર કાર્યવાહી હાથ ધરી છે. આ અંગે આણંદના dysp બી.ડી.જાડેજાએ જણાવ્યું હતુ કે, આ આરોપીએ વિદ્યાનગર પોલીસને કંટ્રોલના નંબર પર ખોટી ઓળખ આપીને મહિલા કર્મચારી સાથે અસભ્ય વર્તન કરી, પોલીસના માણસોને ખોટી માહિતી આપી રેડ કરવાની જાણકારી આપી ગુનો કર્યો હતો. જે અંગે તપાસ કરી ખોટો ઓળખ આપનાર અશ્વિનભાઇની અમદાવાદથી અટકાયત કરી તેના વિરુદ્ધમાં ગુનો દાખલ કરી કાર્યવાહી કરવામાં આવી છે.