અગાઉ પ્રતિ દિવસના અમુલ ડેરીમાં ત્રણ જીલ્લાઓમાંથી કુલ 30 લાખ લીટર દૂધ આવતું હતું. જેની જગ્યાએ હાલમાં આ દૂધની આવક પ્રતિ દિવસ માત્ર 21 લાખ લીટર પર આવી પહોંચી છે. જેના કારણે પશુપાલકોને પણ ભારે મુશ્કેલીઓનો સામનો કરવો પડી રહ્યો છે. છેલ્લા મહીને અમુલ દ્વારા પશુપાલકોની દૂધ ઉત્પાદનની સ્થિતિનો તાગ મેળવી ત્રણ વખત ક્રમશઃ 10 રૂપિયાનો ભાવ વધારો કરવામાં આવ્યો હતો. છતાં પણ સતત લીલા ઘાસચારાની તંગી તથા કેટલફીડના ભાવમાં થતા વધારાના કારણે પશુપાલકો દ્વારા દુધના ભાવમાં વધારાની અવાર નવાર રજુઆતો અમુલ ડેરીમાં કરવામાં આવતી હોવાથી આજે અમુલ ડેરીના ચેરમેન દ્વારા દુધના ભાવમાં 30 રૂપિયાનો વધારો કરવામાં આવ્યો છે.
અમૂલ દૂધની ખરીદ કિંમતમાં થયો વધારો