સરકારનો RCEPમાં સામેલ ન થવાનો નિર્ણય પશુપાલકોના હિતમાંઃ ડૉ. આર.એસ. સોઢી

આણંદ: બેંગકોકમાં આસીયન સંમેલન regional comprehensive economic partnership (RCEP) સમિટ યોજાઈ હતી. જેમાં વડાપ્રધાન નરેન્દ્ર મોદીએ હસ્તાક્ષર ન કરીને ડેરી ક્ષેત્ર સાથે સંકળાયેલા 10 કરોડ કરતાં વધુ પશુપાલકોના હિતમાં ઐતિહાસિક નિર્ણય લીધો છે.જેને ગુજરાત મિલ્ક માર્કેટિંગ ફેડરેશનના મૅનેજિંગ ડિરેક્ટર ડૉ.આર.એસ સોઢીએ આવકાર્યો છે.

બેંગકોકમાં મળેલી RCEP સમિટમાં PM મોદીએ પ્રાદેશિક આર્થિક ભાગીદારીમાં સામેલ ન થવાનો ઐતિહાસિક નિર્ણય લીધો છે. જે પશુપાલન ક્ષેત્રે સંકળાયેલા 10 કરોડથી વધુ ગરીબ પશુપાલકોના હિતમાં લેવાયો હોવાનું ગુજરાત મિલ્ક માર્કેટિંગ ફેડરેશનના MD ડૉ.આર.એસ સોઢીએ જણાવ્યું હતું.

ETV BHARAT સાથેની ખાસ વાતચીતમાં ડૉ.આર.એસ સોઢીએ જણાવ્યું હતું કે," ભારતના 10 કરોડ પશુપાલકો માટે સરકાર દ્વારા લેવામાં આવેલાં આ નિર્ણય ખૂબ જ મહત્વનો સાબિત થશે. RCEPમાં ન જોડાવવાનો ઐતિહાસિક નિર્ણય ભારતના 10 કરોડ પશુપાલકોને તેમની આજીવિકા મેળવવામાં મદદરૂપ બનશે."