આણંદ: જીસીએમએમએફના ચેરમેન અને વાઇસ ચેરમેન પદ માટેની ચૂંટણી પ્રાંત અધિકારી જે.સી.દલાલના અધ્યક્ષ પદે યોજાતાં ફેડરેશનનાં સુકાની બદલાયા છે. જેમાં ચેરમેન પદે સાબરડેરીના ચેરમેન શામળભાઇ પટેલ અને વાઇસ ચેરમેન પદે કચ્છ ડેરીના ચેરમેન વાલજીભાઈ બિનહરીફ ચૂંટાઇ આવ્યા છે.
38 હજાર કરોડ જેટલુ જંગી વેચાણનું માર્કેટકેપ ધરાવતી GCMMFના ચેરમેન તથા વાઇસ ચેરમેન પદ માટે આજે ચૂંટણી યોજાઈ હતી. જેમાં સત્તા પરિવર્તન થવા પામી છે. ચેરમેન તરીકે અઢી વર્ષથી ફેડરેશનની કમાન અમુલ ડેરીના ચેરમેન રામસિંહ પરમારના હાથ માં હતી. જે હવે સાબરડેરીના ચેરમેન શામળજીભાઇ પટેલનાં હાથમાં સોંપવામાં આવી છે. જ્યારે ગોધરા ડેરીના ચેરમેન જેઠાભાઇ ભરવાડને બદલી કચ્છ ડેરી સંઘના ચેરમેન વાલમજીભાઈના હાથમાં વાઈસ ચેરમેન પદ પર વરણી કરવામાં આવી છે.