આણંદ : આવનાર યુક્ત ટેકનોલોજીનો યુગ છે. ત્યારે હવે દેશના રાજકારણમાં પણ ટેક્નોલોજીનો ઉપયોગ થાય તો કોઈ નવાઈની વાત નથી. આણંદ જિલ્લામાં કોંગ્રેસ પક્ષ દ્વારા પાર્ટીને વધુ મજબૂત બનાવવા તેમજ પક્ષના નવનિયુક્ત સંયોજકોને તાલીમ શિબિરમાં જોડી પક્ષની આગામી રણનીતિને તૈયાર કરી તેમજ કાર્યકર્તાઓને ગ્રાઉન્ડ લેવલ પર પાર્ટીને મજબૂત કરવાની તાલીમ આપવામાં આવી હતી. જેમાં કોંગ્રેસના દિગ્ગજ નેતાઓ સહિતના આગેવાનો ઉપસ્થિત રહ્યા હતા.
કોંગ્રેસે ગ્રાઉન્ડ લેવલે પાર્ટીને મજબૂત કરવા કામગીરી ચાલુ કરી
જેમાં જિલ્લાના વિવિધ ક્ષેત્રમાંથી આવતા પક્ષને વફાદાર પ્રતિનિધિ મંડળને અમદાવાદથી આવેલ ટ્રેનર દ્વારા પક્ષને મજબુત બનાવવા માટેની તાલીમ આપવામાં આવી હતી.