Amreli Crime News : ઉંચેયા ગામે હિસ્ટ્રીશીટરને ત્યાં પોલીસના દરોડા, હથિયાર સાથે એકની ધરપકડ

અમરેલી SPની સીધી બાતમીના આધારે ઉંચેયા ગામે હિસ્ટ્રી શીટર ધરે હથિયાર સાથે આરોપાની ધરપકડ કરવામાં આવી છે. ગેરકાયદેસર લાયસન્સ વગર 2 પિસ્તોલ હથિયાર (Amreli police) અને 5 કારટીસ મળી આવતા ધરપકડ કરીને આગળની કાર્યવાહી હાથ ધરી છે. (weapon holder in Uncheya village)

અમરેલી :જિલ્લામાં એક શખ્સનાઘરે પોલીસે દરોડા પાડતા હથિયાર મળી આવતા વિસ્તારમાં ચકચાર મચી ગઈ છે. અમરેલી જિલ્લાના રાજુલા તાલુકાના ઉંચેયા ગામમાં રહેતો હિસ્ટ્રી શીટર ચંપુ ધાખડા પાસે ગેરકાયદેસર હથિયારો હોવાની બાતમી મળી હતી. અમરેલી જિલ્લા SP હિમકર સિંહ પાસે ચોક્કસ સચોટ માહિતી હોવાને કારણે સાવરકુંડલાના DYSP હરેશ વોરાને સૂચના આપતા તાત્કાલીક કાર્યવાહી હાથ ધરી હતી. સાવરકુંડલા DYSP હરેશ વોરા દ્વારા આરોપી ગુન્હાહિત ઇતિહાસ ધરાવતો હોવાને કારણે અલગ અલગ પોલીસની ટીમો બનાવી ઓપરેશન હાથ ધર્યું હતું.

આ પણ વાંચો :Shraddha murder case: ઓટોપ્સી રિપોર્ટમાં તીક્ષ્ણ હથિયાર ટૂંક સમયમાં ચાર્જશીટ દાખલ

પીસ્ટલ હથિયાર કારટીસ મળ્યા : ચંપુ ધાખડા નામના શખ્સ પાસેથી ગેરકાયદેસર લાયસન્સ વગર 2 પીસ્ટલ હથિયાર અને 5 કારટીસ મળી આવતા પીપાવાવ મરીન પોલીસ દ્વારા ધરપકડ કરવામાં આવી છે. હાલ આ આરોપી ચંપુ ધાખડાને પોલીસ સ્ટેશન લઈ આવી તેમની સઘન પૂછપરછ હાથ ધરવામાં આવી છે. ગેરકાયદેસર હથિયારો કારટીસ ક્યાંથી લાવ્યો હતો તે દિશામાં પોલીસે તપાસ હાથ ધરાઇ છે. ચપુ ઉપર અગાઉ રાજુલા પીપાવાવ પોલીસ મથકના ચોપડે પાંચ જેટલા ગંભીર ગુનાઓ નોંધાયા છે.

માથાભારે ગુનાઓ ધરાવતા ગુનેગાર : આરોપી ગુન્હાહિત ઇતિહાસ ધરાવતો હોવાને કારણે પોલીસ દ્વારા આ તપાસ ગંભીરતાથી કરાય રહી છે. તેમના વિરુદ્ધ ભૂતકાળમાં મડર, ધાકધમકી ગેરકાયદેસર હથિયાર સહિતના 5 જેટલા ગુનાઓ પોલીસ ચોપડે નોંધાઈ ચુક્યા છે. આમ માથાભારે ગુનાઓ ધરાવતા ગુનેગારને ઝડપી પાડવા પોલીસ ટીમને સફળતા મળી હતી.

આ પણ વાંચો :નક્સલવાદીઓ પાસે અમેરિકન હથિયાર, બીજાપુર અથડામણમાં ખુલાસો

વિસ્તારમાં મજુરો ભય મુક્ત : પીપાવાવ મરીન પોલીસ સ્ટેશન વિસ્તારના ઉંચેયા ગામના હિસ્ટ્રી શીટર ચંપુ ધાખડા પાસેથી બે ગેરકાયદેસર હથિયારો મળી આવતા આસપાસ આવેલ ઉધોગ ઝોન વિસ્તારમાં પણ ચકચાર મચી ગઇ હતી. મસમોટા ઉદ્યોગો હોવાને કારણે અનેક નાના મોટા મજૂરો કોન્ટ્રાક્ટરો કામ કરતા હોય છે. જેને લઈને ભયમુક્ત રીતે આ વિસ્તારમાં લોકો, મજૂરો, કોન્ટ્રાક્ટરો કામ કરી શકે તે માટે અમરેલી SP દ્વારા માથાભારે અને અસામાજિક તત્વો પર ખાસ વોચ રાખી કાર્યવાહી કરવાના આદેશ આપ્યા છે. જેને લઈને આજે પોલીસને મોટી સફળતા પ્રાપ્ત થઈ છે.