દરિયાઈ શ્રુષ્ટિ જાળવતા મેન્ગ્રોવ ઝાડ કાપી નાખવા મુદ્દે હાઈકોર્ટે રિપોર્ટ માગ્યો

અમરેલી : જિલ્લાના પીપાવાવ અને રાજુલા તાલુકાના આસપાસના વિસ્તારમાં ખાનગી કંપની દ્વારા મેન્ગ્રોવ ઝાડ કાપી નાખવા મુદે દાખલ થયેલી જાહેરહિતની અરજી મુદે જસ્ટીસ અનંત દવે અને બીરેન વૈષ્ણવની ખંડપીઠે સરકારી વકીલને અગામી 6 મે પહેલા મેન્ગ્રોવની હાલની સ્થિતિ અંગે રિપોર્ટ રજુ કરવાનો આદેશ કર્યો હતો.

હાઈકોર્ટે અગાઉ આ મામલે રાજ્ય વન વિભાગ અને પ્રદુષણ નિયંત્રણ વિભાગને નોટિસ પાઠવામાં આવી હતી. જોકે તેમણે પોતાનો જવાબ રજૂ ન કરતા હાઇકોર્ટે મેન્ગ્રોવ ન કાપવા બાબતે લેખિત હુકમ કર્યો હતો.

મેન્ગ્રોવ વૃક્ષ તટીય વિસ્તારમાં દરિયાના પાણીને જામીન પર પ્રવેશતા અટકાવે છે. આ જ હેતુથી અમરેલી જિલ્લાના રાજુલા તાલુકાના દરિયાઈ વિસ્તારના ગામડામાં 1 લાખ 4 હજાર જેટલા મેન્ગ્રોવને ગ્રામીણો દ્વારા રોપવામાં આવ્યા હતા. જે પ્રાઇવેટ કંપનીઓએ પોતાના એકમનું વિકાસ કરવા માટે મેન્ગ્રોવ ઝાડની કપાત શરુ કરી હતી. જેને લઈને ગુજરાત હાઇકોર્ટમાં એક જાહેર હિતની અરજી કરવામાં આવી હતી.

હાઇકોર્ટે 21 વર્ષીય અરજદાર અને સામાજીક કાર્યકર દ્વારા રજૂ થયેલી રજૂઆતો અને પુરાવાને આધારે જવાબદાર અધિકારીઓને લેખિતમાં તાત્કાલિક મનાઈ કરવાનો હુકમ કર્યો હતો. મેન્ગ્રોવ ઝાડને ન કાપવા માટેની અને તકેદારી રાખવાનો પણ હાઇકોર્ટે પ્રશાશનને હુકમ કર્યો હતો.

પીપવાવ અને રાજુલાના દરિયાઈ વિસ્તારમાં 1.40 લાખ જેટલા મેન્ગ્રોવ વૃક્ષ આવેલા છે જેના રક્ષણ માટે અરજદાર હાઇકોર્ટમાં PIL દાખલ કરી હતી..